শেহতীয়া খবৰ
ঝাৰখণ্ডত আৰক্ষীৰে সংঘৰ্ষত ৩ নক্সালবাদীৰ মৃত্যু... • "কোৰোনাই নামাৰে, আমি খাবলৈ নাপাইহে মৰি থাকিম, আমাক ৰক্ষা কৰক", কোৱাৰেন্টাইন চেন্টাৰত থকা যুৱকে কিয় ক'লে এনেকৈ, VIDEO • অসমৰ আকাশত ওলোটা ৰামধেনু, অশনি সংকেত বুলি ছ'চিয়েল মিডিয়াত চৰ্চা, প্ৰকৃততে কিয় ওলোটাকৈ ওলাই ৰামধেনু • হাজোৰ সনাতন ডেকাৰ হত্যাকাণ্ডঃ পলাতক খবিৰউদ্দিন আহমেদক গ্ৰেপ্তাৰ... • ৰাজ্যত পুনৰ ১৫ জন নতুন কোৰোনা ৰোগী চিনাক্ত • ৰুদ্ৰ ৰূপ লৈছে কপিলীয়ে, ছিঙিলে ২ টা মথাউৰি, বাসগৃহৰ ভিতৰতো সোমাল পানী, VIDEO • ভয়ংকৰ দৃশ্য! আপুনি পূৰ্বে নেদেখা বিস্ফোৰণ প্ৰত্যক্ষ কৰক, VIDEO • ভাৰতত কোৰোনাৰ সন্ত্ৰাস অব্যাহত, বিগত ২৪ ঘন্টাত মৃত্যু ১৯৪ গৰাকীৰ, আক্ৰান্ত ৬,৫৬৬... • নিজামুদ্দিন মাৰ্কাজৰ তবলিগি জামাতঃ আৰক্ষীয়ে বৃহস্পতিবাৰে ৫৩৬ বিদেশী নাগৰিকৰ বিৰুদ্ধে দাখিল কৰিব ১২খন চাৰ্জশ্বীট • ভাৰতত কোৰোনাত আক্ৰান্ত হৈ মৃত্যু হোৱা লোকৰ সংখ্যা ৪,৫৩৪ জনলৈ বৃদ্ধি

বৰপেটাত প্ৰাইজমানি ট্ৰফী ক্ৰিকেটত গুৱাহাটী মেট্ৰো চেম্পিয়ন

188

ডিজিটেল সংবাদ, চেঙাঃ বৰপেটা জিলাৰ চেঙাৰ বেচিক খেলপথাৰত চলি থকা প্ৰাইজমানি ট্ৰফী ক্ৰিকেট খেল প্ৰতিযোগিতাৰ শনিবাৰে অনুষ্ঠিত চূড়ান্ত খেলখনত গুৱাহাটী মেট্ৰো দলে ৪ উইকেটত সৰ্থেবাৰীৰ চাৰ্ক ইলিভেনক পৰাস্ত কৰি চেম্পিয়ন হয়। টছত জয়লাভ কৰি প্ৰথমে ফিল্ডিং কৰে গুৱাহাটী মেট্ৰো দলে। প্ৰথমে বেটিং কৰি চাৰ্ক ইলিভেন দলে ১৫ অভাৰত ৯১ ৰান সংগ্ৰহ কৰে। প্ৰত্যুত্তৰত গুৱাহাটী মেট্ৰো দলে ১০ অভাৰত ৬ উইকেট হেৰুৱাই প্ৰয়োজনীয় ৰাণ সংগ্ৰহ কৰি চেম্পিয়ন হয়।

প্ৰথম পুৰস্কাৰ ট্ৰফীসহ নগদ ৪০,০০১ টকা গুৱাহাটী মেট্ৰো দলে লাভ কৰাৰ বিপৰীতে দ্বিতীয় পুৰস্কাৰ ট্ৰফীসহ নগদ ২৫,০০১ টকা লাভ কৰে চাৰ্ক ইলিভেন দলে। দ্বিতীয় পুৰস্কাৰৰ দাতা ইলিয়াছ আলীয়ে চাৰ্ক ইলিভেনক বঁটা প্ৰদান কৰে। চেঙা আঞ্চলিক উদীয়মান যুৱ সংঘৰ উদ্যোগত অনুষ্ঠিত প্ৰতিযোগিতাখনৰ চূড়ান্ত খেলখন উদ্বোধন কৰে বিশিষ্ট সমাজকৰ্মী তথা অগপ দলৰ বৰপেটা জিলা সমিতিৰ উপ সভাপতি ৰবিউল হুছেইনে।

বিশিষ্ট অতিথি হিচাপে চেঙা জিলা পৰিষদৰ সদস্য বসন্ত ঠাকুৰীয়া, বিজেপিৰ বৰপেটা জিলা সমিতিৰ সভাপতি-সম্পাদক ক্ৰমে শংকৰ চন্দ্ৰ দাস আৰু নৱ কুমাৰ দাসৰ উপৰিও কেইবাগৰাকী বিশিষ্ট লোক উপস্থিত থাকে। উল্লেখ্য যে, উদ্বোধনী সভাত উপস্থিত থকা বিশিষ্ট অতিথিসকলক সদৌ অসম গৰিয়া মৰিয়া দেশী জাতীয় পৰিষদৰ তৰফৰ পৰা বৰপেটা জিলা সমিতিৰ সম্পাদক চলমান হুছেইনে সম্বৰ্ধনা জ্ঞাপন কৰে।

চূড়ান্ত খেলখনত মেন অফ দ্যা মেচৰ সন্মান লাভ কৰে গুৱাহাটী মেট্ৰো দলৰ সমীৰণে। আনহাতে শৃংখলাৰ শ্ৰেষ্ঠ খেলুৱৈৰ সন্মান লাভ কৰে দীপক তালুকদাৰে।

আপুনি পঢ়ি ভাল পাব পৰা বাতৰি