ডিজিটেল ডেস্ক: গুৱাহাটীৰ গণেশগুৰিৰ পৰা কিশোৰী অপহৰণ কাণ্ডৰ মূল নায়ক আৰক্ষীৰ জালত ৷ ছয়গাঁৱৰ গৰৈমাৰীৰ হাতীপাৰাৰ পৰা আটক হৈছে অপহৰণ কাণ্ডৰ মূল নায়ক ছাকিৰ হুছেইন ৷
উল্লেখ্য যে, ২৪ জুলাইত গুৱাহাটীৰ গণেশগুৰিৰ পৰা দক্ষিণ কামৰূপৰ গৰৈমাৰীৰ হাতীপাৰাৰ ছাকিৰ হুছেইনে অপহৰণ কৰিছিল ১৪ বছৰীয়া এগৰাকী কিশোৰীক ৷
অপহৰণ কৰি ছাকিৰ হুছেইনে নাবালিকা কিশোৰী গৰাকীক লৈ গৈছিল বহিঃৰাজ্য তামিলনাডুলৈ ৷ ২৬ জুলাইত দিছপুৰ থানাত দিয়া এজাহাৰৰ পিছতে আৰক্ষীয়ে চলাইছিল অপহৰণকাণ্ডৰ তদন্ত ৷
আৰক্ষীৰ তদন্তত নাবালিকা অপহৰণ কাণ্ডৰ মূল নায়ক গৰৈমাৰীৰ হাতীপাৰাৰ নিজগৃহৰ পৰা হাতীপাৰাৰ গাঁও প্ৰধানৰ সহযোগত গৰৈমাৰী আৰক্ষীয়ে আটক কৰে ছাকিৰ হুছেইনক ৷ ধৃত ছাকিৰ হুছাইনক গৰৈমাৰী আৰক্ষীৰ পৰা দিছপুৰ আৰক্ষীয়ে দেওবাৰে নিশা চমজি লয় ৷
