শেহতীয়া খবৰ
এছকাৰ্ড বেংকৰ সকলো বিত্তীয় লেনদেনৰ নথি জব্দৰ নিৰ্দেশ গুৱাহাটী উচ্চ ন্যায়ালয়ৰ...  •  পথৰ ওপৰত ট্ৰেভেলাৰ বাগৰি ছজনকৈ লোক আহত....  •  সোণৰ চোৰাং ব্যৱসায়ৰ বিৰুদ্ধে আৰক্ষীৰ অভিযানঃ কুখ্যাত ব্যৱসায়ী ছাহজামালক গ্ৰেপ্তাৰ, ২৭ লাখ টকা জব্দ...  •  মঙলদৈত ভৰা নদীত পৰি এজনৰ মৃত্যু...  •  ৰৌতাত জলসিঞ্চন বিভাগৰ বিৰুদ্ধে ক্ষোভ কৃষকৰ : হাতে হাতে দাঁ, কোৰ লৈ ওলাই আহিল সাধাৰণ কৃষক...  •  ছিপাঝাৰৰ পশ্চিম কুৰুৱাত নাও দুৰ্ঘটনাঃ ৪ জনক উদ্ধাৰ, এতিয়াও সন্ধানহীন আন এজন...  •  নগাওঁ শেনচোৱাত বাগৰি পৰা ট্ৰেভালৰত খুন্দা ছুইফট বাহনৰ...  •  মাৰ্ঘেৰিটাৰ পৰা অৰুণাচললৈ সৰবৰাহৰ যো-জা চলোৱা ১৮ টা গৰুসহ বলেৰ' পিকআপ গাড়ী জব্দ...  •  নগাঁও-হোজাইত দেওঁবাৰে জ্বলিব ড্ৰাগছ...  •  সীমান্তৰ ভালুকমাৰীগাঁৱত অসমৰ লোকক এঘৰীয়া কৰাৰ ষড়যন্ত্ৰ ব্যৰ্থ...

বান শিবিৰত সাহায্য বিতৰণ সদৌ অসম মুৰব্বী বিভাগীয় আমোলা সন্থা আৰু এন পি এছ কৰ্মচাৰী সংস্থাৰ…

ডিজিটেল সংবাদ গুৱাহাটীঃ প্ৰলয়ংনকাৰী বানত ক্ষতিগ্ৰস্ত লোকক সামান্য সকাহ দিয়াৰ উদ্দেশ্যে সদৌ অসম মুৰব্বী বিভাগীয় আমোলা সন্থা আৰু সদৌ অসম চৰকাৰী এন পি এছ কৰ্মচাৰী সংস্থাৰ কামৰূপ মহানগৰ জিলা সমিতিয়ে এক যৌথ উদ্যোগ গ্ৰহণ কৰে। ২৩ জুন শুকুৰবাৰে দুয়ো সংস্থাৰ প্ৰতিনিধিয়ে কামৰূপ জিলা দোৰা কহৰা উচ্চতৰ মাধ্যমিক বিদ্যালয়ৰ কেম্পত থকা ১০০ পৰিয়াল, দৰং জিলা ছিপাঝাৰ বিধান সমষ্টিৰ লোকৰাই, গোপালপুৰ, সোনাপুৰ অঞ্চলৰ ৪০০ পৰিয়ালক অতি প্ৰয়োজনীয় সামগ্ৰী সাহায্য হিচাপে আগবঢ়ায়।

দোলাকহৰা কেম্পত যদিও চৰকাৰী সাহায্য পোৱা বুলি জনোৱাৰ বিপৰতে ছিপাঝাৰৰ এই বান পিড়িতসকলক চৰকাৰী ব্যৱস্থাই ঢুকি পোৱা নাই। কদৰ্য পৰিবেশত থকা এইসকল নাগৰিকক চৰকাৰৰ সুদৃষ্টিৰ অতি প্ৰয়োজন। এই প্ৰসংগত দুয়ো সন্থাৰ বিষয়ববীয়া সকলে কয় যে, আজিৰ কাৰ্যসূচী এপাচি শাকত জালুক সদৃশ হৈছে যদিও বিপদত পৰা সকলৰ লগত সামান্য সময় পাৰ কৰি তেওলোকৰ দুখত সমভাগি হ’লো।

আজিৰ কাৰ্যসূচীত সদৌ অসম মুৰব্বী বিভাগীয় আমোলা সন্থাৰ সভাপতি গুণাৰাম গগৈ, কাৰ্যকৰী সভাপতি পংকজ কুমাৰ শৰ্মা, সাধাৰণ সম্পাদক ৰূপক কলিতা, কোষাধ্যক্ষ দ্বীজেন মহন্ত, হিচাপ পৰীক্ষক সীমান্ত বৰা, প্ৰচাৰ সম্পাদক ধৰ্মেন্দ্ৰ গগৈ, সক্ৰিয় সদস্য জগন্নাথ কুমাৰ, প্ৰফুল্ল গোহাই, বিজয় বৰুৱা সদৌ অসম চৰকাৰী এন পি এছ কৰ্মচাৰী সংস্থাৰ সাধাৰণ সম্পাদক অপূৰ্ব শৰ্মা, সম্পাদক জুৰিমনি হাজৰিকা কামৰূপ মহানগৰ জিলা সমিতিৰ সভাপতি আজলী ভূঞা, সভাপতি অচ্যুতানন্দ হাজৰিকাই অংশগ্ৰহণ কৰে।

ক্লিক কৰি পঢ়কঃ Attention মন্ত্ৰী নন্দিতা গাৰ্লোছা ! নাৰায়ণপুৰত ঘাটকৰ ৰূপ লৈছে আপোনাৰ শক্তি বিভাগে…