ডিজিটেল ডেস্কঃ ৰাজ্যত ভুৱা টেট শিক্ষকৰ বিৰুদ্ধে তীব্ৰ হৈছে অভিযান।সোমবাৰে নিশাৰ পৰা আৰক্ষীে এনে ভুৱা টেট শিক্ষকৰ বিৰুদ্ধে অভিযান চলাই পুনৰ আটক কৰিছে ৫ গৰাকী ভুৱা টেট শিক্ষক।হাজো আৰক্ষীৰ এই অভিযানত আটক হৈছে ভুৱা প্ৰমাণ পত্ৰৰে বিটিআৰত হাইস্কুলত নিযুক্তি লাভ কৰা টেট শিক্ষক।
হাজোৰ ১ নং বেলকৰ আৰু বঙালপাৰা অঞ্চলৰ পৰা আৰক্ষীয়ে আটক কৰিছে এই ৫ গৰাকী ভুৱা টেট শিক্ষক।আটকাধীন এই ভুৱা টেট শিক্ষক কেইগৰাকী ক্ৰমে দিলদাৰ হুছেইন, মুক্তাৰ আলী, আক্কাছ আলী, আজমুল হক আৰু নাজামুদ্দিন আহমেদ।
আটকাধীন আটাইকেইগৰাকী শিক্ষকক সোধা-পোছা অব্যাহত ৰাখিছে হাজো আৰক্ষীয়ে। জানিব পৰা মতে এই ভুৱা শিক্ষকসকলে ১ লাখ টকাৰ বিনিময়ত ভুৱা প্ৰমাণ পত্ৰ ক্ৰয় কৰিছিল।
