ডিজিটেল ডেস্কঃ অসম আৰক্ষীৰ এছ আই পদৰ লিখিত পৰীক্ষাৰ প্রশ্নকাকত ফাদিলৰে নাম সাঙোৰ খাই পৰা দিৱন ডেকাই কিছু সময় পূৰ্বে এই ঘটনা সন্দৰ্ভত মন্তব্য ব্যক্ত কৰিছে। দিৱন ডেকাই লিখিছে- 'মই BJP ২৪ বছৰ কৰিছো ; দল আৰু চৰকাৰক কেতিয়াও মই বিপদত পৰিব নিদিওঁ ! যোৱা ২০/৯/২০২০ তাৰিখে হৈ যোৱা অসম আৰক্ষীৰ "SI" পৰীক্ষা পতা কোম্পানীটোৰ লগত মই জড়িত আছিলো ! মই ঠিক ১১ টা বাজি ২৮ মিনিটত What's App যোগে প্রশ্নকাকতখন পাইছিলোঁ । লগে লগে মই প্ৰদীপ কুমাৰ ছাৰক গৌতম মেছৰ জৰিয়তে অৱগত কৰিছিলোঁ । যিহেতু প্ৰদীপ কুমাৰ ছাৰ আৰু মুখ্যমন্ত্ৰী মহোদয়ৰ সপোন আছিল যে অসম আৰক্ষীৰ নিযুক্তি প্ৰক্ৰিয়াটো সম্পুৰ্ণ স্বচ্ছ আৰু নিকা ভাবে হওঁক ! লগে লগে প্রদীক কুমাৰ ছাৰ আৰু মুখ্যমন্ত্ৰী মহোদয়ে অসমৰ হাজাৰ হাজাৰ নিবনুৱাৰ কথা ভাবি তাৎক্ষণিক ভাৱে পৰীক্ষাটো বন্ধ কৰি দিয়ে , তাৰ বাবে মাননীয় মুখ্যমন্ত্ৰী মহোদয়ক ধন্যবাদ জনাইছো । অসম আৰক্ষীৰ যিটো চক্ৰই প্ৰশ্ন কাকত ফাদিল কৰিছে তাত বহুত ডাঙৰ মানুহ জড়িত হৈ আছে । উক্ত চক্ৰটোত অসম আৰক্ষীৰ বহু কেইজন অসৎ বিষয়া জড়িত হৈ আছে । তাত এনেকুৱা এজন বিষয়াও জড়িত হৈ আছে যিজনে বহু মানুহক গুপ্ত হত্যা কৰিছে । তেওঁ মোৰ দৰে সৰু মানুহক যেতিয়াই তেতিয়াই মাৰি পেলাব পাৰে , যাৰ বাবে নিজৰ প্ৰাণৰ শংকাত অসম এৰি অন্য এখন ৰাজ্যত থিতাপি লব লগীয়া হল । যেতিয়া পৰিস্থিতি সম্পূৰ্ণভাবে শিথিল হয় মই নিজেই সকলো কথা মুকলিকৈ সংবাদ মাধ্যমৰ আগত অৱগত কৰিম । আৰু এটা কথা অপপ্ৰচাৰ চলিছে মোৰ নিজা কিবা ছপাশাল থকা বুলি ।
যদি তেনেকুৱা কিবা প্ৰমাণ দিব পাৰে অসম চৰকাৰক মোক ফাঁচী দিবলৈ আহ্বান জনালোঁ । শেষত অসম চৰকাৰলৈ এটাই অনুৰোধ মোৰ অনুপস্থিতিত মোৰ পৰিয়ালৰ সম্পূৰ্ণ সুৰক্ষাৰ দায়িত্ব লয় যেন।'
