ডিজিটেল সংবাদ, ধেমাজিঃ সমগ্ৰ ধেমাজি জিলাখনতেই বুধবাৰে জিলা স্বাস্থ্য বিভাগৰ উদ্যোগত ধেমাজি, গোগামুখ, চিলাপথাৰ আৰু জোনাইত সংগ্ৰহ কৰা ৰেপিড টেষ্টত বুধবাৰৰ দিনাই ১৬২ গৰাকীৰ লোকৰ কোভিড পজিটিভৰ চিনাক্ত হৈছে৷
ধেমাজি জিলা স্বাস্থ্য বিভাগৰ যুটীয়া সঞ্চালিকা ডাঃ কৃষ্ণা কেম্পাইয়ে জনোৱা মতে ধেমাজি নগৰ খনৰ ধেমাজি ক'ৰ্ট ফিল্ড , কাড়িচুক , ধেমাজি জিলা পৰিষদ , ধেমাজি টাউন হাই স্কুল , ধেমাজি নগৰ বুনিয়াদী প্ৰাথমিক বিদ্যালয় ইত্যাদি কৰি গোগামুখ , জোনাই , চিচবৰগাঁৱৰ খণ্ড প্ৰাথমিক স্বাস্থ্য কেন্দ্ৰসমূহৰ লগতে জিলাখনৰ ২১টা স্হানত বুধবাৰে একেদিনাই ৩৯০৫ জনৰ ৰেপিড টেষ্টত কৰি ১৬২ জনৰ কোভিড পজিটিভ চিনাক্ত কৰিছে ৷ জিলা খনৰ কভিড পজিটিভৰ সংখ্যা ৯৮০ জনলৈ বৃদ্ধি পাইছে৷