শেহতীয়া খবৰ
পুলৱামা কাণ্ডক লৈ ছ’চিয়েল মিডিয়াত ৰাজ্যপালৰ বিতৰ্কিত মন্তব্য  •  সাংস্কৃতিক কৰ্মী ভাস্কৰ দত্তৰ মৃত্যুত শিৱসাগৰত গভীৰ শোক  •  ডাইনী সন্দেহত কোকৰাঝাৰত একে পৰিয়ালৰ ৩ সদস্যক আক্ৰমণ  •  কেবিনেটৰ অনুমোদন, অতীত হ’ব তিনি তালাক  •  ডিব্ৰুগড়ৰ লক্ষীনগৰত ৰে’ল খুন্দাত নিহত মাতৃ-কন্যা  •  পুলৱামা ঘটনাক লৈ কি প্ৰতিক্ৰিয়া প্ৰতিৰক্ষা মন্ত্ৰীৰ  •  পুলৱামা ঘটনাক লৈ কি প্ৰতিক্ৰিয়া প্ৰতিৰক্ষা মন্ত্ৰীৰ  •  ৰাণা গোস্বামীক এ আই চি চিৰ সম্পাদক নিযুক্তি  •  কেন্দ্ৰীয় চৰকাৰৰ কৰ্মচাৰী সকলৰ বাবে সুখবৰ...  •  ডিব্ৰুগড়ৰ লক্ষীনগৰত ৰে’লৰ খুন্দাত প্ৰাণ গ’ল পাঁচ বছৰীয়া কন্যাৰ লগতে মাতৃৰ...

দিল্লী ডেয়াৰডেভিলছৰ নতুন নাম হ’ব দিল্লী কেপিটেলছ

226

ডিজিটেল ডেস্কঃ ইণ্ডিয়ান প্ৰিমিয়াৰ লীগ-২০১৯ৰ প্ৰাক মুহূৰ্তত দিল্লী ডেয়াৰডেভিলছৰ স্বত্বাধিকাৰ জি এম আৰ গ্ৰুপছ আৰু জে এছ ডব্লিউ স্পৰ্টছে দলটোৰ নাম সলনি কৰিছে৷ দিল্লী ডেয়াৰডেভিলছক দিল্লী কেপিটেলছ হিচাপে নামাকৰণ কৰা হৈছে৷ দলটোৰ কৰ্তৃপক্ষই মঙলবাৰে এক অনুষ্ঠানৰ জৰিয়তে আনুষ্ঠানিকভাৱে দলটোৰ নাম সলনি কৰাৰ কথা ঘোষণা কৰাৰ লগতে দলৰ বাবে এক নতুন লগ’ও মুকলি কৰে৷

উল্লেখ্য যে বিগত প্ৰায় ৯টা আই পি এল ছিজনত দিল্লী ডেয়াৰডেভিলছৰ প্ৰদৰ্শনে অনুৰাগীসকলক সন্তুষ্ট কৰিব পৰা নাই৷ আই পি এলৰ প্ৰথম কেইটামান চিজনত দলটোৰে ৰেংকিং তালিকাৰ শীৰ্ষলৈ উন্নীত হোৱাৰ লগতে বিজয়ীৰ বঁটাও লাভ কৰিবলৈ সক্ষম হৈছিল যদিও পৰৱৰ্তী ছিজন সমূহত দলটো ম্লান পৰা পৰিলক্ষিত হৈ আহিছে৷

শেষতীয়াকৈ বিগত বৰ্ষৰ ছিজনত শ্ৰেয়ছ আয়াৰৰ নেতৃত্বাধীন দিল্লী ডেয়াৰডেভিলছে কিছু উন্নত প্ৰদৰ্শন কৰে যদিও সেয়াই দলটোৰ বাবে যথেষ্ট নাছিল৷ ইয়াৰ পিছতেই দলটোৰ নাম সলনি কৰি পৰৱৰ্তী আই পি এলত দলটোক ন উদ্যম দিয়াৰ চিন্তা কৰিছে দিল্লী ডেয়াৰডেভিলছৰ স্বত্বাধিকাৰ জি এম আৰ গ্ৰুপছ আৰু জে এছ ডব্লিউ স্পৰ্টছে৷

ইফালে, দলটোৰ নাম আৰু লগ’ৰ লগতে খেলুৱৈৰো সাল সলনি কৰা বুলি জানিব পৰা গৈছে৷ স্বত্বাধিকাৰে শ্ৰেয়ছ আয়াৰৰ হাততে দলটোৰ নেতৃত্বৰ ভাৰ পুনৰ এবাৰ প্ৰদান কৰিছে৷ এইবাৰ দলটোত চুক্তিবদ্ধ কৰা হৈছে ভাৰতীয় ক্ৰিকেট দলৰ ‘গব্বৰ’ খ্যাত ক্ৰিকেটাৰ শিখৰ ধাৱানক৷ তদুপৰি যুৱ ক্ৰিকেটাৰ ঋষভ পন্ট আৰু পথ্বী শ্ব’ক ৰিটেন কৰা হৈছে৷

আপুনি পঢ়ি ভাল পাব পৰা বাতৰি