শেহতীয়া খবৰ
ফ্ৰান্সৰ ৰাষ্ট্ৰপতিৰ বিৰুদ্ধে ইছলামফোবিয়া বৃদ্ধিৰ অভিযোগ পাকিস্তানৰ প্ৰধানমন্ত্ৰী ইমৰাণ খানৰ...  •  ৰাজ্যৰ বিভিন্ন প্ৰান্তৰ দুৰ্গাপূজাস্থলীত উপস্থিত হৈ মাৰ আৰ্শীবাদ ল'লে মুখ্যমন্ত্রী সৰ্বানন্দ সোনোৱালে...  •  চীন আৰু পাকিস্তানৰ সৈতে যুদ্ধৰ দিন থিক কৰিছে প্ৰধানমন্ত্ৰীয়েঃ বিজেপিৰ অধ্যক্ষ, উত্তৰ প্ৰদেশ...  •  চিকিৎসকৰ দৰমহা আৰু কোৰোনা ভাইৰাছ সম্পৰ্কীয় বিষয়ত মন্তব্য কেন্দ্ৰীয় স্বাস্থ্যমন্ত্ৰীৰ...  •  কোভিড-১৯ঃ ৰাজ্যত আকৌ ৪জনৰ মৃত্যু...  •  ৰাসতো পৰিব কোৰোনাৰ প্ৰভাৱ...  •  দীৰ্ঘদিনৰ অসুস্থতাৰ পাছত ঘৰলৈ উভতিল তৰুণ গগৈ...  •  দীৰ্ঘদিনৰ অসুস্থতাৰ পাছত ঘৰলৈ উভতিল তৰুণ গগৈ...  •  চেমচাঙৰ চেয়াৰমেন লী-কুন-হিৰ মৃত্যু...  •  “আপোনাৰ পৰা একো আশা নকৰো..” অনুচ্ছেদ ৩৭০ক লৈ ওমৰ আব্দুল্লাৰ প্ৰতুত্যৰ ৰবি শংকৰ প্রসাদক …

সদৌ অসম মাদ্ৰাছা ছাত্ৰ সন্থাৰ সংবাদমেল…

206

ডিজিটেল সংবাদ, বটদ্ৰৱাঃ সদৌ অসম মাদ্ৰাছা ছাত্ৰ সন্থা চমুকৈ আমছাৰ নগাঁও জিলা সমিতিৰ উদ্যোগত শুকুৰবাৰে নগাঁও জিলাৰ বটদ্ৰৱাৰ ভোমোৰাগুৰি শ্বাহী ছিনিয়ৰ মাদ্ৰাছাত এখনি সংবাদ মেল সম্বোধন কৰে। সংবাদ মেলত আমছাই শিক্ষামন্ত্রীৰ মাদ্ৰাছা বন্ধৰ ঘোষণাক তীব্র প্রতিবাদ কৰাৰ লগতে গৰিহণা দিয়ে।

সংবাদ মেল সম্বোধন কৰি আমছাৰ কেন্দ্রীয় সমিতিৰ সভাপতি মৌলানা ওয়াহিদুজ্জামানে কয় যে, শিক্ষামন্ত্রী হিমন্ত বিশ্ব শর্মাই মাদ্রাছাৰ শিক্ষা ব্যৱস্থাক বন্ধ কৰি সম্পূর্ণ ধর্মীয় মেৰুকৰণ কৰিব বিচাৰিছে, যিটো সম্পূর্ণ ৰাজনৈতিক উদ্দেশ্য প্ৰণোদিত। লগতে কয় যে, ব্ৰিটিছ আমোলৰ পৰাই অসমত চৰকাৰী ‌মাদ্রাছা শিক্ষা চলি আহিছে আৰু ইয়াৰ পৰা শিক্ষাবিদ, সেনা, ডাক্তৰ, ইঞ্জিনিয়াৰ হৈ আহিছে। অসমৰ চৰকাৰী মাদ্রাছা সমূহত অসমীয়া, ইংৰাজী, অংক, বিজ্ঞান, সমাজবিজ্ঞান, ইতিহাস, বাংলা, হিন্দী, ইত্যাদি বিষয় বিলাকো পঢ়োৱা হয় আৰু তাৰ লগতে কেইখনমান আৰবী কিতাব পঢ়োৱা হয়।

ইতিমধ্যে অসম মাদ্রাছা এডুকেশন বোর্ডে ৪২ বছৰ পুৰণা পাঠ্যক্ৰমৰ চিলেবাচ সলনি কৰি এখন নতুন চিলেবাচ প্ৰস্তুত কৰিছে, যাৰ ফলত এই শিক্ষা ব্যৱস্থা বহুত‌ আধুনিক দিশলৈ গতি কৰিছে। আনহাতে, কেৱল মাদ্রাছাই নহয় অসমৰ সংস্কৃত টোল সমুহ বন্ধ কৰা কাৰ্যকো তীব্ৰ ভাষাৰে গৰিহণা দিয়ে আমছাই। সংবাদ মেলত আমছাৰ কেন্দ্ৰীয় সমিতিৰ সভাপতি ওয়াহিদুজ্জামান, উপ সভাপতি তাফাজ্জুল ইছলাম, আমছাৰ নগাঁও জিলা সমিতিৰ সভাপতি ছাইদুল ইছলাম, সম্পাদক মাচুদ আলম, কৰিমগঞ্জ জিলা সমিতিৰ সভাপতি মনিৰ উদ্দিন আহমেদকে প্ৰমুখ্য কৰি কেইবাগৰাকী ব্যক্তি উপস্থিত থাকে।

আপুনি পঢ়ি ভাল পাব পৰা বাতৰি