বিশ্ব সংবাদ কেন্দ্ৰ অসমে ১ জুনত উদযাপন কৰিব নাৰদ জয়ন্তী

ডিজিটেল সংবাদ, গুৱাহাটীঃ বিশ্ব সংবাদ কেন্দ্ৰ অসমৰ উদ্যোগত ১ জুনত বিয়লি ৩:৩০ বজাৰ পৰা মহানগৰীৰ বৰবাৰী অঞ্চলৰ সুদৰ্শনালয়ত বাৰ্ষিক দেৱৰ্ষী নাৰদ জয়ন্তী উৎসৱৰ আয়োজন কৰিছে। এইবাৰ বিশিষ্ট সাহিত্যিক তথা সম্পাদক শান্তুনু তামুলীক প্ৰদান কৰা হ’ব দেৱৰ্ষী নাৰদ জয়ন্তী বঁটা-২০২৫।

লগতে এই উপলক্ষে মহানগৰীৰ তিনিগৰাকী কৰ্মৰত সাংবাদিক ক্ৰমে হিমাংশু পাঠক (অসমীয়া খবৰ), দিগন্ত চহৰীয়া (প্ৰাগ নিউজ) আৰু খনিন ডেকা (নিয়োমীয়া বাৰ্তা)কো সম্বৰ্ধনা জনোৱা হ’ব। ৰাষ্ট্ৰীয় প্ৰশংসিত সাংবাদিক, এজন প্ৰগতিশীল চিন্তাবিদ আৰু ৰাজনৈতিক মন্তব্যকাৰী হৰ্ষবৰ্ধন ত্ৰিপাঠী নিদিষ্ট বক্তা হিচাপে এই অনুষ্ঠানত উপস্থিত থাকিব।

ঐশ্বৰিক দূত দেৱৰ্ষি নাৰদক তেওঁৰ প্ৰজ্ঞাৰ বাবে হিন্দুসকলে পূজা কৰে। ভগৱান ব্ৰহ্মৰ মানসপুত্ৰ, দেৱৰ্ষি নাৰদ ভগৱান বিষ্ণুৰ শ্ৰদ্ধাৰ ভক্ত আছিল আৰু তেওঁৰ বিখ্যাত উক্তিসমূহ অসমীয়া সাহিত্যত ‘নাৰায়ণ নাৰায়ণ’ নামেৰে অনাদি কালৰ পৰাই জনপ্ৰিয়। অমৰত্বৰ ধন্য নাৰদে ৰামায়ণ, মহাভাৰত আৰু পুৰাণতো তেওঁক ব্যক্তি হিচাপে নহয়, প্ৰতিষ্ঠান হিচাপে ইংগিত দি উল্লেখিত হৈছে। নাৰদক সাধাৰণতে জেঠ মাহৰ কৃষ্ণ পক্ষৰ প্ৰতিপদ তিথিত আৰাধনা কৰা হয়। নাৰদ জয়ন্তী বঁটাত এটা প্ৰশস্তি, নগদ ধন আৰু গ্ৰন্থৰ সংকলন আছে। ভিএছকে অসমৰ সম্পাদক কিশোৰ শিৱমে এক প্ৰেছ বিবৃতিত এই কথা জনাইছে এই কথা।