দুৰ্যোগ প্ৰশমন ব্যৱস্থাপন বিভাগৰ চিত্ৰাংকন প্ৰতিযোগিতা…

ডিজিটেল সংবাদ নগাঁও: নগাঁও জিলা দুৰ্যোগ প্ৰশমন ব্যৱস্থাপনা বিভাগৰ দ্বাৰা আয়োজিত চিত্ৰাংকন প্ৰতিযোগিতাৰ ফলাফল ঘোষণা কৰা হৈছে ৷ ১২ আগষ্টত ঘৰে ঘৰে তিৰংগ লগত সংগতি ৰাখি নগাঁও চৰকাৰী উচ্চত্বৰ মাধ্যমিক বালক বিদ্যালয়ত এখনি চিত্ৰাংকন প্ৰতিযোগিতা আয়োজন কৰা হৈছিল ৷ বিভিন্ন বিদ্যালয়ৰ ছাত্ৰ-ছাত্ৰীয়ে প্ৰতিযোগিতাখনত অংশগ্ৰহণ কৰিছিল।

প্ৰতিযোগিতাখনিত চৰকাৰী আৰৱান বিদ্যালয়ৰ ভাগ্যৱান কৌৰে প্ৰথম স্থান, চৰকাৰী আৰৱান বিদ্যালয়ৰে নন্দিনী নাহাই দ্বিতীয় স্থান লাভ কৰে আৰু নগাঁও চৰকাৰী উচ্চত্বৰ মাধ্যমিক বালক বিদ্যালয়ৰ পৰা বিকি ভূঞাই তৃতীয় স্থান লাভ কৰে। ফলাফল ঘোষণাৰ পিছত জিলা উন্নয়ন আয়ুক্ত উদয়াদিত্য গগৈ , নগাঁৱৰ ডিডিএমএৰ মুখ্য কাৰ্যবাহী বিষয়া বিজয়ন্ত গোস্বামীৰ লগতে নগাঁও চৰকাৰী উচ্চতৰ মাধ্যমিক বালক বিদ্যালয়ৰ অধ্যক্ষ দীপিকা লস্কৰৰ উপস্হিতিত স্থানপ্ৰাপ্ত সকলক মানপত্ৰ প্ৰদান কৰে।