ডিজিটেল যোগে ১৯ আৰু ২০ ডিচেম্বৰত অনুষ্ঠিত কৰা হ’ব নৰ্থ ইষ্ট ফেষ্টিভেল…

ডিজিটেল ডেস্ক : দিল্লীত প্ৰতি বছৰে ডিচেম্বৰ মাহত নৰ্থ ইষ্ট ফেষ্টিভেলৰ আয়োজন কৰা হয়। তিনি দিন ধৰি উত্তৰ পূবৰ সংস্কৃতি, খাদ্য, হেণ্ডলুম, ফেচন, পৰ্যটন সম্ভাবনা ইত্যাদিয়ে দিল্লীত ৰজন জনাই থাকে আৰু ৰাষ্ট্ৰীয় প্ৰচাৰ মাধ্যমত ব্যাপক প্ৰচাৰ লাভ কৰে৷

বহুলোকৰ সমাগমৰে অতি জনপ্ৰিয় এই নৰ্থ ইষ্ট ফেষ্টিভেল। কিন্তু এইবাৰ বিশ্বজুৰি ভয়ানক ৰূপ ধাৰণ কৰা কোৰোনা মহামাৰীৰ বাবে উদযাপন কৰা নহয় এই অনুষ্ঠান। এইবাৰ এই অনুষ্ঠান ইণ্টাৰনেটৰ জৰিয়তে ডিজিটেল যোগে অনুষ্ঠিত কৰা হব। যাৰ ফলত অসমৰ তথা সমগ্ৰ দেশৰ লগতে বিশ্বৰ বিভিন্ন প্ৰান্তৰ ৰাইজেও এই অনুষ্ঠান ইন্টাৰনেটৰ যোগেৰে চাব পাৰিব ।

১৯ আৰু ২০ ডিচেম্বৰত গুৱাহাটীৰ ৰেডিশ্বন ব্লু হোটেলত নৰ্থ ইষ্ট ফেষ্টিভেল অনুষ্ঠিত হ'ব।কোৰোনাৰ বাবে প্ৰত্যক্ষভাৱে দৰ্শকক নিমন্ত্ৰণ কৰা হোৱা নাই যদিও দৰ্শকে এই অনুষ্ঠান নৰ্থ ইষ্ট ফেষ্টিভেলৰ ফেচবুক পেজ আৰু ইউ টিউব লিংকৰ জৰিয়তে চাব পাৰিব । ইয়াৰ লগতে অসমৰ বিভিন্ন টিভি চেনেলত উপলদ্ধ হ'ব এই অনুষ্ঠান।

এই অনুষ্ঠানৰ জৰিয়তে উত্তৰ-পূবৰ সমলৰাজি দেখুওৱাৰ প্ৰচেষ্টা হাতত লোৱা লৈছে । অসম তথা উত্তৰ-পূবৰ বিভিন্ন পৰ্যটন আকৰ্ষণৰ কেন্দ্ৰসমূহ, বিভিন্ন উৎসৱ সমূহ, বিভিন্ন জাতি-জনগোষ্ঠীৰ বা উত্তৰ-পূবৰ খাদ্যৰ লগতে হস্তশিল্পৰ প্ৰদৰ্শন হোৱাৰ লগতে আৰু উত্তৰ-পূবৰ বিভিন্ন নৃত্যসমূহৰো প্ৰদৰ্শন কৰা হ'ব বুলি উদ্যোক্তা সকলে জানিব দিয়ে । দৰ্শকে ১৯ আৰ ২০ ডিচেম্বৰ আবেলি ৪ বাজি ৩০ মিনিটত ফেচবুক পেজ বা ইউ টিউব লিংকত এই অনুষ্ঠানসমূহ চাব পাৰিব।

ইফালে উত্তৰ-পূবৰ বিভিন্ন ৰাজ্যৰ মুখ্যমন্ত্ৰীসকল উপস্থিত থাকিব এই অনুষ্ঠানত। বিভিন্ন বিষয় সন্দৰ্ভত আলোচনা চক্ৰৰ ব্যৱস্থা কৰা হৈছে অনুষ্ঠানটোত । উদ্যোগ,বাণিজ্য আৰু পৰ্যটনৰ সন্দৰ্ভত কেইবালানিও আলোচনা হ'ব। নিশা প্ৰদৰ্শন কৰা হ'ব সাংস্কৃতিক অনুষ্ঠান হ'ব।

এই অনুষ্ঠানত উত্তৰ-পূবৰ বিখ্যাত ডিজাইনাৰ-মডেল সমূহক লৈ ফেশ্বন শ্ব অনুষ্ঠিত কৰা হ'ব ।এই অনুষ্ঠানত সংগীত পৰিবেশন কৰিব জুবিন গাৰ্গ,পাপন, কল্পনা পাটোৱাৰী,শংকুৰাজ কোঁৱৰ আৰু উত্তৰ-পূবৰ বিভিন্ন জনপ্ৰিয় সংগীত শিল্পী সকলে । ফেচবুক পেজ North East Festival আৰু ইউ টিউব লিংক Northeastfestival সকলোখিনি অনুষ্ঠান উপলদ্ধ হ'ব।

সকলো ৰাইজকে অনুষ্ঠান সমূহ চাবলৈ অনুৰোধ জনোৱাৰ লগতে উত্তৰ-পূবক সমগ্ৰ বিশ্বৰ আগত উপস্থাপন কৰাৰ এই প্ৰক্ৰিয়াত সহযোগী হ'বলৈ আহ্বান জনাই অনুষ্ঠানটোৰ উদ্যোক্তা শ্যামকানু মহন্তই ।