ডিজিটেল সংবাদ, নগাঁওঃ ৰাজ্যৰ স্বাস্থ্য খণ্ডৰ উন্নয়নৰ বাবে ছয়ৰ পৰা আঠ এপ্ৰিললৈ অসমৰ স্বাস্থ্য বিভাগে অনুস্থিত কৰিছে স্বাস্থ্য উৎসৱ । স্বাস্থ্য উৎসৱ ২০২৩ বৃহস্পতিবাৰে নগাঁও জিলাৰ কঠীয়াতলী প্ৰাথমিক স্বাস্থ্য কেন্দ্ৰত অনুষ্ঠিত হ’য় ।
এই উপলক্ষে আজি চিকিৎসালয়খনত পৰ্যবেক্ষক হিচাবে উপস্থিত থাকে গুৱাহাটী চিকিৎসা মহাবিদ্যালয়ৰ চিকিৎসক ড০ চায়ন্তুন দাস । লগতে আৰু নগাঁও জিলাৰ জলসিঞ্চন বিভাগৰ কাৰ্যবাহী অভিযন্ত্ৰা হেমন্তু কুমাৰ বৰা আৰু কঠীয়াতলীৰ মহকুমা স্বাস্থ্য বিষয়া ড০ ৰমেন বেজবৰুৱা ।
উল্লেখ্য যে শেহতীয়াকৈ ৰাজ্য চৰকাৰে গুণোৎসৱৰ দৰে চিকিৎসাৰ ক্ষেত্ৰতো স্বাস্থ্য কেন্দ্ৰসমূহত স্বাস্থ্য উৎসৱ পালনৰ সিদ্ধান্ত গ্ৰহণ কৰিছিল । যাৰ দ্বাৰা ৰাজ্যৰ স্বাস্থ্য কেন্দ্ৰসমূহৰ মান নিৰূপন কৰাৰ ক্ষেত্ৰত সহায়ক হ’ব ।
