ডিজিটেল সংবাদ,বেবেজীয়া : নগাঁও জিলা অনুসূচীত জাতি উন্নয়ন ব'ৰ্ডৰ উদ্যোগত ছাত্ৰ-ছাত্ৰীসকলৰ মাজত খেলৰ সামগ্ৰী বিতৰণ । শনিবাৰে নগাঁও জিলাৰ দক্ষিণপাট উচ্চতৰ মাধ্যমিক বিদ্যালয়,বৰক’লা উচ্চতৰ মাধ্যমিক বিদ্যালয়,জাগীয়াল গালছ হাইস্কুল,বুঢ়াগোহাঁই সদাশিৱ হাইস্কুলৰ প্ৰায় ৫ শতাধিক ছাত্ৰ-ছাত্ৰীৰ মাজত খেলৰ সামগ্ৰী বিতৰণ কৰা হয় ৷
জিলা অনুসুচীত জাতি উন্নয়ন ব'ৰ্ডৰ তৰফৰ পৰা বিতৰণ কৰা এই খেলৰ সামগ্ৰীসমূহৰ একোটা কিটৰ মূল্য প্ৰায় ৩০০০ টকা বুলি জানিবলৈ দিয়ে ৷ অনুষ্ঠানত অনুসূচীত জাতি উন্নয়ন ব'ৰ্ড নগাঁৱৰ সদস্যসকলৰ লগতে বিদ্যালয়সমূহৰ প্ৰধান শিক্ষক,সহকাৰী শিক্ষক-শিক্ষয়িত্ৰী আৰু ছাত্ৰ-ছাত্ৰীসকল উপস্থিত থাকে ৷
অনুষ্ঠানটিত অনুসূচীত জাতি উন্নয়ন ব'ৰ্ডৰ অধ্যক্ষ নৰেন দাসে ভাষণ প্ৰসংগত ছাত্ৰ-ছাত্ৰীসকলক কঠোৰ অধ্যয়নশীলৰ লগতে ক্ৰীড়াৰ ক্ষেত্ৰতো সমান্তৰালভাৱে মনোনিৱেশ কৰিবলৈ আহ্বান জনায় ৷ জিলাখনৰ বিদ্যালয়সমূহৰ ছাত্ৰ-ছাত্ৰীসকলৰ মাজত বিতৰণ হ'বলগীয়া এই খেলৰ সামগ্ৰীসমূহ প্ৰায় ৬০০০ ছাত্ৰ-ছাত্ৰীৰ মাজত বিতৰণ কৰা হ'ব বুলি জনায় ৷
