ডিজিটেল সংবাদ, বেবেজীয়াঃ নগাওঁ জিলাৰ ফুলগুৰি ৰাজ্যিক চিকিৎসালয়ৰ অন্তৰ্গত ডিমৌ চাৰিআলিত চিকিৎসালয়ৰ চৌহদত সোমবাৰে এখন আয়ুস হস্পিতালৰ আধাৰশিলা স্থাপন কৰে স্থানীয় বিধায়ক শশীকান্ত দাসে ৷ আধাৰশিলা স্থাপন কৰি বিধায়ক গৰাকীয়ে কয় যে এই নতুন হস্পিতালতখনে বৃহত্তৰ অঞ্চলটোৰ স্বাস্থ্যসেৱাৰ ক্ষেত্ৰখন আৰু অধিক টনকিয়াল কৰিব ৷
তেওঁ ডিমৌ অঞ্চলত এখন আয়ুস হস্পিতাল আগবঢ়োৱাৰ বাবে মুখ্যমন্ত্ৰী ড° হিমন্ত বিশ্ব শৰ্মাৰ লগতে স্বাস্থ্যমন্ত্ৰী কেশৱ মহন্তৰ প্ৰতি ধন্যবাদ জ্ঞাপন কৰে ৷ বহুমুখী স্বাস্থ্যকৰ্মী কল্যাণ কুমাৰ বৰাই আঁতধৰি আগবঢ়াই নিয়া অনুষ্ঠানটোত ৰাষ্ট্ৰীয় স্বাস্থ্য মিশ্যনৰ জিলা অভিযন্তা ভৃগু কুমাৰ বৰা ,ফুলগুৰি ৰাজ্যিক চিকিৎসালয়ৰ পৰিচালনা সমিতিৰ সভাপতি যতীন ডেকা, ডা° শ্বাদিকুল আমিন, ঠিকাদাৰ ফাৰুক হুছেইন , এবিপিএম বাবুল ভৰালী, পৰিচালনা সমিতিৰ সদস্য ৰাজীৱ দাস, গনেশ ডেকা , ৰঞ্জিত ৰাজা, সমাজকৰ্মী যাদৱ নাথকে ধৰি স্বাস্থ্যকৰ্মীসকল উপস্থিত থাকে ৷
