মেঘালয়ত মানকাচৰৰ ক্ষুদ্ৰ ব্যৱসায়িক প্ৰহাৰ, অসমৰ ব্যৱসায়িৰ ব্যৱসায়ত বাধা…

ডিজিটেল সংবাদ, দক্ষিণ শালমাৰাঃ দক্ষিণ শালমাৰা মানকাচৰ জিলাৰ পৰা চুবুৰীয়া ৰাজ্য মেঘালয়ৰ বিভিন্ন সপ্তাহিক বজাৰত ব্যৱসায় কৰা ক্ষুদ্ৰ ব্যৱসায়ী সকলক বুধবাৰে গাৰো দুৰ্বৃত্তৰ দল এটা প্ৰহাৰ কৰি মেঘালয় ৰাজ্যৰ পৰা খেদি পঠোৱা কেন্দ্ৰিক কৰি মানকাচৰৰ ক্ষুদ্ৰ ব্যৱসায়ী সকল জাঙুৰ খাই উঠিছে।

জিলা খনৰ মানকাচৰ এলেকাৰ পৰা প্ৰায় ৫ সহস্ৰাধিক ক্ষুদ্ৰ ব্যৱসায়ী প্ৰতিদিনে চুবুৰীয়া ৰাজ্য খনত গৈ সপ্তাহিক বজাৰৰ পৰা কৰা উপাৰ্জনৰ ধনেৰে পৰিয়ালক পোহপাল দিয়ে। কোনোবা জনে যদি ১০ বছৰৰ পৰা মেঘালয়ত গৈ ব্যৱসায় কৰি আছে কোনজনে আকৌ ২০ বছৰতকৈ অধিক দিন ধৰি মেঘালয়ৰ সপ্তাহিক বজাৰত শাক পাঁচলিকে ধৰি বিভিন্ন বিভিন্ন দোকান কৰি ব্যৱসায় কৰি উপাৰ্জনৰ পথ প্ৰশস্ত কৰি তুলিছে।

লক ডাউনৰ বাবে ব্যৱসায়ী সকলে মেঘালয়ত প্ৰৱেশ কৰিব পৰা নোৱাৰাত একাংশ ব্যৱসায়ী আৰ্থিক ভাৱে দুৰ্বল হৈ পৰিছে। এনে পৰিস্থিতিৰ মাজত যোৱা কিছু দিন ধৰি মেঘালয় চৰকাৰ মানকাচৰৰ ক্ষুদ্ৰ ব্যৱসায়ী সকলক মেঘালয়ৰ সপ্তাহিক বজাৰত ব্যৱসায় কৰাৰ বাবে অনুমতি প্ৰদান কৰিছে যদিও বুধবাৰে পুৱাৰ ভাগত ৰাজ্য খনৰ দক্ষিণ পশ্চিম গাৰো পাহাৰ জিলাৰ আমপাতি বজাৰত মানকাচৰৰ শতাধিক ব্যৱসায়ীয়ে দোকান পাঠ বহুওৱাৰ লগে লগে গাৰো সংগঠনে এটাই অসমৰ ব্যৱসায়ীক ব্যৱসায় কৰিবলৈ দিয়া নহ'ব বুলি ভাবুকি দিয়ে।

এনে পৰিস্থিতিৰ মাজত ব্যৱসায়ী সকলে দোকান উঠাবলৈ ধৰাত এফালৰ পৰা দুৰ্বৃত্তৰ দলে ব্যৱসায়ী সকলক লাঠিৰে প্ৰহাৰ কৰিবলৈ আৰম্ভ কৰে। ফলত ক্ষুদ্ৰ ব্যৱসায়ী সকল দোকানৰ সামগ্ৰী থৈ দৌৰা দৌৰি কৰি পলায়ন কৰি মানকাচৰলৈ উভতি আহিছে।

মন কৰিবলগীয়া বিষয় এয়া যে, মানকাছৰৰ আদৰ্শ গাঁও পঞ্চায়তৰ পৰা উৎপাদন হোৱা শাক পাচলিৰ ওপৰত নিৰ্ভৰশীল মেঘালয়ৰ কেইবাখনো গাৰো পাহাৰ জিলা। মানকাচৰৰ পৰা এদিন শাক পাচলি ৰপ্তানি বন্ধ কৰি দিলে মেঘালয়ৰ সৰ্বসাধাৰণ জনতা শাক পাঁচলিকে ধৰি নৃত্য প্ৰয়োজনীয় সামগ্ৰীৰ নাটনিত পৰিব। এনে পৰিস্থিতিৰ মাজত চুবুৰীয়া ৰাজ্য খনৰ সৈতে ক্ষুদ্ৰ ব্যৱসায়ী সকলে অসহযোগ আন্দোলন কৰাৰো ভাবুকি দিয়ে।

ক্ষুদ্ৰ ব্যৱসায়ী সকল সামগ্ৰী ৰপ্তানি বন্ধ কৰি দিলে মেঘালয়ৰ কেবাখনো গাৰো পাহাৰ জিলা খাদ্য সামগ্ৰীৰ নাটনি হ'ব। ফলত মানকাচৰৰ ব্যৱসায়ী সকলৰ বৃহৎ ক্ষতি হোৱাৰ লগতে মেঘালয়তো খাদ্য বস্তুৰ দাম বৃদ্ধি পাব। এনে পৰিস্থিতিৰ প্ৰতি লক্ষ্য ৰাখি উভয় চৰকাৰে আলোচনাৰ মাজেৰে বিষয়টো সমাধান কৰিবলৈ ক্ষুদ্ৰ ব্যৱসায়ী সকলৰ লগতে মানকাচৰৰ ৰাইজে দাবী জনাইছে।