মহানগৰীৰ কেইবাস্থানত ড্ৰাগছ আৰু হেৰ’ইনসহ আটক ৪ যুৱকক

ডিজিটেল সংবাদ, গুৱাহাটীঃ মহানগৰীৰ ফটাশিল আমবাৰী আৰক্ষী থানাৰ অন্তৰ্গত লালগণেশত চি আই ডিয়ে অভিযান চলাই সোমবাৰে সন্ধিয়া এটা ড্ৰাগছ সৰবৰাহকাৰীক আটক কৰে। ধৃত সৰবৰাহকাৰীটো লালগণেশ কালীবাৰীৰ জিন্টু মণ্ডল বুলি জানিব পৰা গৈছে।

ঘটনাটোৰ সৈতে জড়িত ধৃত সৰবৰাহকাৰীটোৰ পৰা চি আই ডিয়ে প্ৰায় ১১ গ্ৰাম ব্ৰাউন চুগাৰ জব্দ কৰিবলৈ সক্ষম হৈছে। সম্প্ৰতি সৰবৰাহকাৰীটোক সোধ- পোছৰ বাবে আৰক্ষীয়ে আটক কৰিছে।

ইফালে ২ সৰবৰাহকাৰীক আটক কৰাৰ পিছতে হেৰ'ইনসহ পুনৰ আটক কৰিছে আন দুই যুৱকক। ২ বতাহঘূলিৰ এজাইল হাস্পতালৰ পৰা আটক কৰিবলৈ সক্ষম হোৱা ২ সৰবৰাহকাৰী হৈছে হীৰক চৌধুৰী আৰু বিকি ফাংচু। উল্লেখ্য যে, আটকাধীন লোক ২জনৰ পৰা জব্দ কৰা হেৰ'ইনৰ পৰিমাণ হ'ব প্ৰায় দহ গ্ৰাম।