ডিজিটেল সংবাদ, কোকৰাঝাৰ: কোকৰাঝাৰত কোৰোনাত আক্ৰান্ত হৈ সোমবাৰে পুনৰ দুগৰাকী লোকৰ মৃত্যু হোৱাত কোভিড ১৯ত আক্ৰান্ত হৈ মৃত্যুবৰণ কৰা লোকৰ সংখ্যা ২৩ জনলৈ বৃদ্ধি পালে । সোমবাৰে কোভিড-১৯ত আক্ৰান্ত হৈ মৃত্যু হোৱা লোক দুজন ক্ৰমে- তিতাগুৰীৰ অজয় ৰায় (৫৭) আৰু কোকৰাঝাৰৰ শংকৰ বিশ্বাস।
দুয়োগৰাকী ৰোগী বৰপেটাস্থিত ফকৰুদ্দিন আলি আহমেদ মেডিকেল কলেজ আৰু হাস্পতালত চিকিৎসাধীন অৱস্থাতে মৃত্যুবৰণ কৰে । প্ৰণিধানযোগ্য যে, কোকৰাঝাৰত বৰ্তমানলৈকে ৩১৭২ জন ব্যাক্তি কোৰোনাত আক্ৰান্ত হৈছে আৰু ইয়াৰে ২৩ গৰাকী লোকৰ মৃত্যু হৈছে ।
