কলিয়াবৰত গাড়ীৰ চেপাত লতামেকুৰী বাঘৰ মৃত্যু…

ডিজিটেল সংবাদ, কলিয়াবৰ: কলিয়াবৰৰ বৰালীগাঁৱত এটা লতামেকুৰী বাঘৰ মৃতদেহ উদ্ধাৰক কেন্দ্ৰ কৰি শনিবাৰে এক চাঞ্চল্যৰ সৃষ্টি হয়।
স্থানীয় ৰাইজৰ পৰা পোৱা তথ্য মতে, ৩৭ নং ৰাষ্ট্ৰীয় ঘাইপথ পাৰ হওঁতে অচিনাক্ত গাড়ীৰ খুন্দাত নিহত হয় লতামেকুৰী বাঘৰ পোৱালিটো। লগে লগে আতংকিত হৈ পৰে গাওঁবাসী। বাঘৰ পোৱালিটোৰ মৃতদেহ ৰাষ্ট্ৰীয় ঘাইপথৰ ওপৰত প্ৰত্যক্ষ কৰে স্থানীয় লোকসকলে।

তাৰপিছত বন বিভাগৰ লোক আহি লতামেকুৰী বাঘটোৰ মৃতদেহটো উদ্ধাৰ কৰে। একাংশ লোকে মৃতদেহটো নাহৰফুটুকীৰ বুলি দাবী কৰাৰ বিপৰীতে বন বিভাগৰ লোকে এইটো বন মেকুৰী বুলিহে সদৰি কৰে। বন বিভাগৰে আন একাংশই মৃতদেহটো লতামেকুৰী বাঘৰ বুলি নিশ্চিত কৰিছে।