ডিজিটেল সংবাদ, জামুগুৰিহাটঃ জামুগুৰিহাটৰ তেজালপট্টি চাহবাগিচাৰ শ্ৰীশ্ৰী লক্ষ্মী পূজাই স্বৰ্ণজয়ন্তী বৰ্ষ অতিক্ৰম কৰিলে৷ এই উপলক্ষে শনিবাৰে পুৱাই সকলো ভক্তপ্ৰাণ ৰাইজে জীয়ভৰলী নদীৰ পৰা পানী তুলি জলযাত্ৰা কৰে ৷
তেজালপট্টি চাহবাগিছাৰ খেলপথাৰত তিনিদিনীয়াকৈ আয়োজন কৰা লক্ষীপূজাৰ কাৰ্য্যসুচী অনুসৰি মন্দিৰত মাৰ্ব্বল পাথৰৰ দ্বাৰা নিৰ্মাণ কৰি উলিওৱা শ্ৰীশ্ৰী লক্ষ্মীৰ প্ৰতিমা স্থাপন কৰা হয়৷
মহালক্ষী চাহবাগিছাৰ লক্ষীপূজাই ৫০ টাকৈ বৰ্ষ অতিক্ৰম কৰা উপলক্ষে উদযাপন কমিটিয়ে শ্ৰীশ্ৰী লক্ষীপূজা উপলক্ষে মদভাগৱত মহাযজ্ঞৰ আয়োজন কৰে৷ লক্ষ্মী পূজাৰ কাৰ্য্যসূচী সমূহৰ লগতে ৰঙা ফিটা কাটি শ্ৰীশ্ৰী লক্ষী মন্দিৰৰ দ্বাৰ উন্মোচন কৰে যুৱ লেখক সাহিত্যিক তথা চতিয়া আঞ্চলিক পঞ্চায়তৰ সভাপতি লক্ষীকান্ত বৰাই৷
