ব্ৰহ্মপুত্ৰৰ দুয়োপাৰে নতুনকৈ ঘাইপথ নিৰ্মাণৰ কোনো পৰিকল্পনা নাইঃ গাডকাৰী…

ডিজিটেল ডেস্কঃ কেন্দ্ৰীয় পথ পৰিবহন মন্ত্ৰী নীতিন গাডকাৰীয়ে সোমবাৰে মন্তব্য প্ৰকাশ কৰে যে ব্ৰহ্মপুত্ৰ নদীৰ দুয়োফালে ঘাইপথ নিৰ্মাণৰ কোনো প্ৰস্তাৱ দিয়া নাই। মন্ত্ৰীজনে ৰাজ্য সভা সাংসদ অজিত কুমাৰ ভূঞাই সোধা প্ৰশ্নৰ উত্তৰত এই মন্তব্য প্ৰকাশ কৰিছে।
তদুপৰি ভূঞাই গাডকাৰীক মাজুলী সংযোগী ব্ৰহ্মপুত্ৰৰ ওপৰেৰে কোনো দলং নিৰ্মানৰ পৰিকল্পনা আছে নেকি বুলিও প্ৰশ্ন উত্থাপন কৰে। উত্তৰত গাডকাৰীয়ে কয় অতি শীঘ্ৰেই মাজুলীৰে ব্ৰহ্মপুত্ৰৰ দুয়োটি পাৰ সংযোগ হোৱাকৈ দলং নিৰ্মানৰ কাম আৰম্ভ হ'ব। তেওঁ এই নিৰ্মাণত ধাৰ্য কৰা ৯২৫.৪৭ কোটী টকাৰ বৃহৎ প্ৰজেক্টৰ প্ৰসংগও উত্তৰত উল্লেখ কৰে।