ডিজিটেল সংবাদ নগাঁও: চৌদিশে বান ৷ তাৰে সুযোগ লৈছে ড্ৰাগছ ব্যৱসায়ীয়ে ৷ অৱশ্যে বহি থকা ভকত নহয় আৰক্ষী ৷ গোপন সুত্ৰৰ পম খেদি নগাঁও আৰক্ষীৰ এটা দলে জিলাখনৰ ৰাঙলুত অভিযান চলালে ৷ নগাঁও সদৰ থানাৰ আৰক্ষীয়ে চলোৱা অভিযানত বুজন সংখ্যক হেৰ'ইনসহ কৰায়ত্ত কৰিলে এগৰাকী মহিলাক ৷
মহিলাগৰাকীৰ নাম হৈছে ৰীনা বেগম(৩৯) ৷ ৰাঙলু পেট্ৰল পাম্পৰ কাষৰ পৰা বেগমক কৰিয়ত্ত কৰা হয় ৷ ৰীনা বেগমৰ ঘৰ সৰু পথাৰত ৷
হোজাইৰ সৰুপথাৰৰ বেগমৰ জিম্মাৰ পৰা আৰক্ষীয়ে পাঁচটা চাবোনৰ বাকচত ভৰাই অনা হেৰ'ইনখিনি উদ্ধাৰ কৰিবলৈ সক্ষম হয় ৷ বুধবাৰে বিয়লি কৰায়ত্ত কৰা ৰীনা বেগমক নগাঁও সদৰ থানাত জেৰা কৰি থকা হৈছে ৷ উল্লেখ্য, মহিলা ড্ৰাগছ ব্যৱসায়ী বেগমৰ ঘৰ সৰুপথাৰো বানবিধস্ত আৰু কৰায়ত্ত হোৱা ৰাঙলুও বান আক্ৰান্ত এলেকা ৷
