চম্পাৱতী নৈৰ দলঙৰ তলত নগ্ন অৱস্থাত উদ্ধাৰ মৃতদেহ…

ডিজিটেল সংবাদ চিৰাংঃ শনিবাৰে চিৰাং জিলাৰ বাসুগাঁও চহৰৰ সমীপৰ চম্পামতী নৈৰ দলঙৰ তলত এটা অচিনাক্ত মৃতদেহ উদ্ধাৰ হয় । সম্পূৰ্ণ নগ্ন আৰু অৰ্ধগলিত অবস্থাত এজন পুৰুষ লোকৰ মৃতদেহ চম্পামতী নৈৰ দলঙৰ সৈতে সংলগ্ন এনটিপিচিৰ মেকাপ পাম্প হাউচৰ তলত পানীত ওপঙি থকা কৰ্মচাৰী সকলে প্ৰত্যক্ষ কৰে । দিনৰ ১১-৩০ বজাত পাম্পৰ কৰ্মচাৰী সকলে উৎকট গোন্ধ পোৱাৰ পিছত তলত পানীত ওপঙি থকা অবস্থাত এই অৰ্ধগলিত মৃতদেহটো প্ৰত্যক্ষ কৰে। তাৰ পিছত আৰক্ষীক খবৰ দিয়ে ।

উল্লেখ্য যে ৰাতিপুৱাৰ ভাগত উক্ত পাম্প হাউচত কৰ্মৰত কৰ্মচাৰী সকলে কোনো মৃতদেহ প্ৰত্যক্ষ কৰা নাছিল কিন্তু ১১-৩০ বজাৰ পিছত মৃতদেহ দেখাৰ পিছত কৰ্মচাৰী সকলৰ সন্দেহ মৃতদেহটো খুব সম্ভৱ চম্পাৱতী নৈৰ সোঁতত উটি আহি এই পাম্প হাউচত লাগি ধৰিছে । ঘটনা স্থলীত আৰক্ষীৰ লোক উপস্থিত হৈ তদন্ত আৰম্ভ কৰিছে ।