বকোত নৃশংস হত্যাকাণ্ড…

ডিজিটেল সংবাদ, বকো: কামৰূপ জিলাৰ বকোত এগৰাকী লোকক নৃশংসভাৱে হত্যা কৰা ঘটনাই তীব্ৰ চাঞ্চল্যৰ সৃষ্টি কৰিছে । ঘটনাৰ বিৱৰণী মতে- বকো থানাৰ অন্তৰ্গত ৰাজাপাৰাৰ কিশোৰ চেত্ৰী (৪৭) নামৰ লোকগৰাকীয়ে যোৱা নিশা ঘৰলৈ অহা নাছিল । পৰিয়ালৰ লোকে নিশা কাৰোবাৰ ঘৰত থকা ভাবিছিল যদি সোমবাৰে পুৱা ঘৰৰ কিছু নিলগত পথৰৰ দাঁতিত পৰি থকা দেখি ওচৰলৈ গৈ ভালকৈ চোৱাত লোকগৰাকীৰ ইতিমধ্যে প্ৰাণ-বায়ু উৰি যোৱা বুলি নিশ্চিত হয় ।

মূৰকে ধৰি শৰীৰৰ বিভিন্ন অংগত আঘাতৰ চিন স্পষ্টকৈ থকা লোকগৰাকীক কোনোবাই হত্যা কৰা বুলি কৰা অভিযোগৰ ভিত্তিত বকো আৰক্ষীয়ে কিশোৰ চেত্ৰীৰ মৃতদেহ মৰণোত্তৰ পৰীক্ষাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰে । মৃত্যুৰ সময়ত কিশোৰ চেত্ৰীয়ে পত্নী জানুকা চেত্ৰী , দুগৰাকী কন্যা আৰু এগৰাকী পুত্ৰ সন্তান ইহসংসাৰত এৰি থৈ যায় ।