বকোত ধুমুহা-বৰষুণৰ ফলত বিস্তৰ ক্ষতি সাধন…

ডিজিটেল সংবাদ, বকো: মঙলবাৰে বিয়লি হোৱা ধুমুহা-বৰষুণৰ ফলত কামৰূপ জিলাৰ বকোত বিস্তৰ ক্ষতি সাধন হয়। ঘটনাৰ বিৱৰণী অনুসৰি বিয়লি প্ৰায় ২বজাত প্ৰথমতে প্ৰচণ্ড বতাহ বলে । ইয়াৰ লগে লগে আহে ধুমুহা আৰু বৰষুণ । ফলত বকোৰ বিভিন্ন অঞ্চলত গছ-গছনি উভালি পৰাৰ লগে লগে ঠায়ে ঠায়ে ঘৰ-দুৱাৰো ভাঙি পেলায় ।

জানিব পৰা মতে, ছমৰীয়া বৰালীমাৰা চ'কৰ ঈশ্বৰ ৰয়ৰ কাঠ দোকানখন ধুমুহাই উৰুৱাই নিয়ে । দোকানৰ টিনপাত সমূহ ধুমুহাই উৰুৱাই নিয়াত দোকানৰ ভিতৰত থকা বহু টকাৰ কাঠ বৰষুণত তিতি গৈছে । আনহাতে বকোৰ বিভিন্ন পথত ধুমুহাৰ ফলত উভালি পৰা গছ-গছনি সমূহ ৰাইজে ধুমুহা-বৰষুণৰ পিছতে কাটি মোকলাই লয় ।