এপিএছচি-২০১৮ বৰ্ষৰ ফলাফলত ভদ্ৰা আইএএছ একাডেমীৰ বৃহৎ সাফল্য…

এপিএছচি-২০১৮ বৰ্ষৰ ফলাফলত ভদ্ৰা আইএএছ একাডেমীৰ বৃহৎ সাফল্য…

author-image
asomiyapratidin
New Update
এপিএছচি-২০১৮ বৰ্ষৰ ফলাফলত ভদ্ৰা আইএএছ একাডেমীৰ বৃহৎ সাফল্য…

ডিজিটেল ডেস্কঃ অসমৰ আগশাৰীৰ এপিএছচিৰ কছিং চেন্টাৰ ভদ্ৰা আইএএছ একাডেমীয়ে ২০১৮ বৰ্ষৰ এপিএছচি পৰীক্ষাত বৃহৎ সফল্য অৰ্জন কৰিছে। প্ৰতিষ্ঠানটোৰ ৫৮ জন ছাত্ৰই এই পৰীক্ষাত উত্তীৰ্ণ হোৱাৰ লগতে ৩ জন ছাত্ৰই বৃহস্পতিবাৰে ঘোষিত হোৱা ফলাফলত প্ৰথম তিনিটা স্থানত নিজৰ নাম অন্তৰ্ভূক্ত কৰিবলৈ সক্ষম হৈছে।

এচিএছৰ প্ৰথম,দ্বিতীয় আৰু তৃতীয় স্থান লাভ কৰি ক্ৰমে কংকন জ্যোতি শইকীয়া, জিন্তু শৰ্মা আৰু নিমাশ্ৰী ডাউকাই প্ৰতিষ্ঠানটোলৈ গৌৰৱ কঢ়িয়াই আনে।উল্লেখ্য যে বিগত বৰ্ষৰ ফলাফলত এই প্ৰতিষ্ঠানৰ পৰা ১৪ জন ছাত্ৰই এপিএছচি পৰীক্ষাত উত্তীৰ্ণ হৈছিল।

চলিত বৰ্ষত উত্তীৰ্ণ হোৱা ৫৮ জনৰ ভিতৰত ২৬ জনে এচিএছ, ২জনে চুপাৰিটেণ্ডেন্ট অৱ টেক্স,১জনে এচিটেন্ট এম্প্লইমেন্ট অফিচাৰ , ২জনে লেবাৰ ইনস্পেক্টৰ আৰু ১৩ জনে এএলআৰ লাভ কৰিবলৈ সক্ষম হৈছে ।ইয়াৰ উপৰিও প্ৰতিষ্ঠানটোৰ ১০ জন ছাত্ৰই ইনস্পেক্টৰ অৱ টেক্সেছ লাভ কৰা বিপৰীতে ৫ জনে লাভ কৰিছে এপিএছ।

ভদ্ৰা আইএএছ একাডেমীয়ে এই সকল ছাত্ৰৰ সাফল্যত আনন্দিত হোৱাৰ লগতে এই সাফল্যৰ আঁৰত থকা উত্তীৰ্ণ ছাত্ৰ ছাত্ৰীৰ কষ্ট, নিষ্ঠাৰ বাবে তেওঁলোকক ধন্যবাদ জনাইছে। ইয়াৰ উপৰিও ভদ্ৰা আই এছ একাডেমীত শিক্ষাদান কৰা শিক্ষক সকলকো ধন্যবাদ জনাইছে কৰ্তৃপক্ষই।তেওঁলোকে এই সকলোখিনিক এটা টিম ৱৰ্ক বুলি উল্লেখ কৰি একাডেমীৰ শিক্ষক সকলৰ শিকণ পদ্ধতি ইয়াৰ এক গুৰুত্বপূৰ্ণ অংশ বুলি অভিহিত কৰিছে।

এই পৰীক্ষাত অসামৰিক সেৱাত স্থান লাভ কৰা ৰাখীশ্ৰী লেখাৰুৱে তেওঁক প্ৰত্যক্ষ আৰু পৰোক্ষভাৱে সহায় আগৱঢ়োৱা সকলোকে ধন্যবাদ জনায় । ইয়াৰ উপৰিও তেওঁ বিশেষভাৱে ধন্যবাদ জনাই ভদ্ৰা আইএএছ একাডেমীক ।তেওঁ কয় যে, প্ৰস্তুতিৰ সময়ছোৱাত যেতিয়াই প্ৰয়োজন হৈছিল তেতিয়াই সহায় কৰিছিল এই প্ৰতিষ্ঠানৰ শিক্ষক সকলে। ভদ্ৰা আইএএছ একাডেমীয়ে বহুকেইটা 'মক টেষ্ট' অনুষ্ঠিত কৰাৰ উপৰিও প্ৰয়োজনৰ সময়ত শ্ৰেণীকোঠাত বা ফোনৰ জৰিয়তেও তেওঁক যথেষ্ট সহায় কৰিছিল বুলিও জানিবলৈ দিয়ে।