এপিএছচি-২০১৮ বৰ্ষৰ ফলাফলত সাফল্য লাভ কৰাসকলক ভদ্ৰা আইএএছ একাডেমীৰ সম্বৰ্ধনা…

ডিজিটেল ডেস্কঃ ২০১৮ বৰ্ষৰ এপিএছচি পৰীক্ষাত বৃহৎ সফল্য অৰ্জন কৰাৰ পিছত অসমৰ আগশাৰীৰ এপিএছচিৰ কছিং চেন্টাৰ ভদ্ৰা আইএএছ একাডেমীয়ে মঙলবাৰে সফলতা লাভ কৰা ছাত্ৰ-ছাত্ৰীসকলৰ সমৰ্দ্ধনা অনুষ্ঠান অনুষ্ঠিত কৰে । উল্লেখ্য যে, বৃহস্পতিবাৰে ঘোষিত ২০১৮ বৰ্ষৰ ফলাফলত প্ৰতিষ্ঠানটোৰ ৫৮ জন ছাত্ৰ-ছাত্ৰীয়ে স্থান লাভ কৰিবলৈ সক্ষম হৈছিল।

মঙলবাৰৰ ভদ্ৰা আইএএছ একাডেমীত অনুষ্ঠিত অনুষ্ঠানটোত উপস্থিত থাকে ২৮ জন সফলতা অৰ্জনকাৰী ছাত্ৰ-ছাত্ৰী। সদ্য ঘোষিত ফলাফলত ৩য় স্থান লাভ কৰা নিমাশ্ৰী ডাউকাই তেওঁৰ প্ৰস্তুতিৰ যাত্ৰা দুবছৰীয়া আছিল বুলি মন্তব্য কৰি এই সফলতাত তেওঁ খুবেই সুখী বুলি জনায়। তেওঁ ইয়াৰ লগতে ভদ্ৰা আইএএছ একাডেমীকো তেওঁলৈ আগৱঢ়োৱা সহায়ৰ বাবে ধন্যবাদ জনায়। কষ্ট আৰু অধ্যৱসায়েৰে অৰ্জন কৰা এই সাফল্যৰ কথাৰে আহিব লগা প্ৰজন্মটোক চেষ্টা কৰিলে একে ধৰণৰ সফলতা অৰ্জন কৰা অসম্ভৱ নহয় বুলি মন্তব্য কৰে ছাত্ৰীগৰাকীয়ে।

অন্যহাতে এই পৰীক্ষাত ২য়স্থান লাভ কৰা জিন্তু শৰ্মাই শেষৰ দুটা বৰ্ষৰ তেওঁৰ প্ৰস্তুতিৰ সময়ছোৱাত তেওঁক সহায় আগৱঢ়োৱা ভদ্ৰা আইএএছ একাডেমীক ধন্যবাদ জনায়। ইয়াৰ লগতে তেওঁ সফলতা প্ৰাপ্তিৰ বাবে নিজৰ অদম্য হেঁপাহ আৰু একাগ্ৰতাৰ কথাও উল্লেখ কৰে।

এই পৰীক্ষাত ৬০ সংখ্যক স্থান লাভ কৰা ৰাখীশ্ৰী লেখাৰুৱে ভদ্ৰা আইএএছ একাডেমীয়ে কৰা সহায়ৰ কথা কৃতজ্ঞতাৰে সুঁৱৰি এই অনুষ্ঠানে আয়োজন কৰা মক টেষ্টৰ লগতে প্ৰত্যক্ষ আৰু পৰোক্ষ বাবে কৰা সকলো সহায়ৰ বাবে একাডেমীখনক ধন্যবাদ জনায়।

আনহাতে ১৮ বৰ্ষৰ এপিএছচি পৰীক্ষাত ৩২ স্থান লাভ কৰি এচচিএছ সেৱাৰ বাবে নিৰ্বাচিত হোৱা দেৱাৰ্চনা বৰ্মনে তেওঁৰ এই ফলাফলৰ বাবে সহায় আগৱঢ়োৱা সকলোকে কৃতজ্ঞতা জ্ঞাপন কৰে। তেওঁ মন্তব্য কৰে যে, পৰিয়ালৰ লগতে ভদ্ৰা আইএএছ একাডেমীয়ে তেওঁৰ প্ৰস্তুতিৰ যাত্ৰাত যঠেষ্ট সহায় কৰিছিল।তেওঁ নতুন প্ৰজন্মৰ আগ্ৰহী ছাত্ৰ সকলক মেধা আৰু কষ্টৰে সকলো লাভ কৰা সহজসাধ্য বুলি উল্লেখ কৰে।

উল্লেখ্য যে, বিগত বৰ্ষৰ ফলাফলত এই প্ৰতিষ্ঠানৰ পৰা ১৪ জন ছাত্ৰ-ছাত্ৰীয়ে এপিএছচি পৰীক্ষাত উত্তীৰ্ণ হৈছিল।চলিত বৰ্ষত উত্তীৰ্ণ হোৱা ৫৮ জনৰ ভিতৰত ২৬ জনে এচিএছ, ২জনে চুপাৰিটেণ্ডেন্ট অৱ টেক্স,১জনে এচিটেন্ট এম্প্লইমেন্ট অফিচাৰ , ২জনে লেবাৰ ইনস্পেক্টৰ আৰু ১৩ জনে এএলআৰ লাভ কৰিবলৈ সক্ষম হৈছে ।ইয়াৰ উপৰিও প্ৰতিষ্ঠানটোৰ ১০ জন ছাত্ৰই ইনস্পেক্টৰ অৱ টেক্সেছ লাভ কৰা বিপৰীতে ৫ জনে লাভ কৰিছে এপিএছ।