চৰাইদেউৰ লাকুৱাত আলফাৰ ৪৩ সংখ্যক প্ৰতিষ্ঠা দিৱস উদযাপন…

ডিজিটেল সংবাদ চৰাইদেউঃ চৰাইদেউ জিলাৰ লাকুৱাৰ চাৰিমুঠিয়াত থকা আলফা (আলোচনাপন্থী)ৰ শিবিৰত ৪৩ সংখ্যক প্ৰতিষ্ঠা দিৱস উদযাপন কৰা হয়। সেই অনুসৰি পুৱা পতাকা উত্তোলন কৰে সভাপতি অৰবিন্দ ৰাজখোৱাই আৰু কেন্দ্ৰীয় সমিতিৰ সাধাৰণ সম্পাদক অনুপ চেতিয়াই শ্বহীদ তৰ্পণ কৰি দীঘলীয়া সংগ্ৰামী ইতিহাসত প্ৰাণ বিসৰ্জন দিয়া সংগ্ৰামী সেনানী সকলক শ্ৰদ্ধাৰে স্মৰণ কৰে।

বিভিন্ন কাৰ্যসূচীৰে লাকুৱাৰ সংযুক্ত মুক্তি বাহিনীৰ আলফাৰ শিৱিৰটোত উদযাপিত আলফা স্বাধীনৰ প্ৰতিষ্ঠা দিৱসত সভাপতি অৰবিন্দ ৰাজখোৱাৰ লগতে কেন্দ্ৰীয় সমিতিৰ সাধাৰণ সম্পাদক অনুপ চেতিয়াই চৰকাৰৰ সৈতে শান্তি আলোচনাত বহি অসম ভাৰত সংঘাত নিৰাময় কৰিবলৈ আলফাৰ নেতৃত্ব সৰ্বদা সাজু বুলি প্ৰকাশ কৰে ৷