ডিজিটেল সংবাদ, শিলচৰঃ লাইলাপুৰত মিজো আৰক্ষীৰ গুলিত শ্বহিদ হোৱা আৰক্ষী জোৱান মাজাৰুল হক আৰু ৬ষ্ঠ অসম আৰক্ষীৰ জোৱান শ্যাম সুন্দৰ দুষাদৰ পৰিয়ালৰ হাতত ৫০ লাখ টকাৰ চেক প্ৰদান কৰা হয়৷ কাছাৰ জিলাৰ ধলাই সমষ্টিৰ ৰুকুনি গাঁৱৰ বাসগৃহলৈ গৈ মন্ত্ৰী অশোক সিংঘাল আৰু বনমন্ত্ৰী পৰিমল শুক্লবৈদ্যই শ্বহিদ গৰাকীৰ পিতৃৰ হাতত ৫০ লাখ টকাৰ চেক প্ৰদান কৰে৷
শোক সন্তপ্ত পৰিয়ালটোক সমবেদনা জ্ঞাপন কৰি পৰিয়ালৰ এজনক চৰকাৰী চাকৰি দিয়াৰো আশ্বাস দিয়ে মন্ত্ৰী সিংঘালে৷ ইয়াৰ পিছত শ্যাম সুন্দৰ দুষাদৰ শিলচৰ কাঠাল স্থিত বাসগৃহলৈ গৈ মন্ত্ৰী অশোক সিংঘালে শ্বহিদ গৰাকীৰ পত্নীৰ হাতত ৫০ লাখ টৰাৰ চেক প্ৰদান কৰে ৷
শোক সন্তপ্ত পৰিয়ালটোক সমবেদনা জ্ঞাপন কৰি মূখ্যমন্ত্ৰীয়ে ঘোষণা কৰা মতে পৰিয়ালৰ এজনক চৰকাৰী চাকৰি দিয়াৰ কথাও সদৰী কৰে কাছাৰৰ অভিভাৱক মন্ত্ৰী অশোক সিংঘালে৷ মন্ত্ৰী গৰাকীৰ লগত বনমন্ত্ৰী পৰিমল শুক্লবৈদ্য, সাংসদ ডাঃ ৰাজদীপ ৰয়, লক্ষীপুৰৰ বিধায়ক কৌশিক ৰাই, কাছাৰৰ উপায়ুক্ত কীৰ্তি জল্লীও উপস্হিত থাকে ৷
