অৰুণাচলৰ খুনচাত ৩ জনকৈ দুৰ্ধৰ্ষ আলফা কেডাৰ আটক

ডিজিটেল সংবাদ, মাৰ্ঘেৰিটাঃ অৰুণাচলৰ খুনচা আৰক্ষী থানাৰ অন্তৰ্গত নংল অঞ্চলৰ পৰা ৬ নং অসম ৰাইফলছৰ এটা বৃহৎ দলে গোপন সূত্ৰৰ পমখেদি তিনিজনকৈ দুৰ্ধৰ্ষ আলফা কেডাৰক আটক কৰিছে৷ আটকাধীন কেডাৰ কেইজনৰ নাম ক্ৰমে- হিৰণীয়া মৰাণ ওৰফে গদা অসম( ২৮) , সঞ্জয় বৰা ওৰফে কবিৰ অসম( ২৭), নয়ন গগৈ ওৰফে ৰঞ্জন অসম(২৫), বুলি জানিব পৰা গৈছে৷

ম্যানমাৰৰ পৰা প্ৰশিক্ষণ লৈ কুটাঘাতৰ পৰিকল্পনাৰে আহিছিল বুলি সেনাৰ সূত্ৰই প্ৰকাশ কৰিছে ৷ বৰ্তমান আটকাধীন আলফা কেডাৰ কেইজনক সেনাই নিজৰ জিম্মাত ৰাখিছে৷ আটকাধীন কেডাৰ কেইজনৰ পৰা আৰক্ষীয়ে বৃহৎ পৰিমাণৰ বিস্ফোৰক সামগ্ৰীৰ লগতে কেইবাটাও পিষ্টল আৰু সজীঁৱ গুলী উদ্ধাৰ কৰিছে৷