নেলীৰ গণ হত্যাৰ প্ৰতিবাদত আমছুৰ ক’লা বেজ পৰিধান…

ডিজিটেল সংবাদ, গৰৈমাৰীঃ সদৌ অসম সংখ্যালঘু ছাত্ৰ ইউনিয়নৰ দক্ষিণ কামৰূপ জিলা সমিতিৰ উদ্যোগত গৰৈমাৰীৰ টুক্ৰাপাৰাৰ চাৰিআলিত বৃহস্পতিবাৰে দুপৰীয়া নেলীৰ গণ হত্যাৰ প্ৰতিবাদত কলা বেজ পৰিধানৰ লগতে উত্তাল প্ৰতিবাদ সাব্যস্ত কৰে৷ জানিব পৰামতে আমছুৰ দক্ষিণ কামৰূপ জিলা সমিতি, গৰৈমাৰী আঞ্চলিক সমিতিৰ কৰ্মকৰ্তাৰ লগতে গৰৈমাৰীৰ ফখৰুদ্দিন আলী আহমেদ মহাবিদ্যালয়ৰ একাংশ শিক্ষাৰ্থীয়ে বৃহস্পতিবাৰে কলা বেজ পৰিধান কৰি নেলী হত্যাৰ বিচাৰ লাগে, অসম চৰকাৰ হায় হায়, আমছু জিন্দাবাদ আদি শ্ল'গান দি পৰিবেশ উত্তাল কৰি তোলে৷

প্ৰতিবাদী কাৰ্যসূচীত আমছুৰ দক্ষিণ কামৰূপ জিলা সমিতিৰ সভাপতি ইমদাদ হুছেইন, জিলা উপ-সভাপতি ৰুহুল আমিন, কেন্দ্ৰীয় কমিটিৰ কাৰ্যকৰী সদস্য লালমামুদ, গৰৈমাৰী আঞ্চলিক সমিতিৰ সভাপতি ইমৰান হক, সম্পাদক জিলান হক প্ৰমুখ্যে কৰ্মকৰ্তাসকল অংশগ্ৰহণ কৰে৷