ডিজিটেল ডেস্কঃ ৰান্ধনী সকলৰ দীৰ্ঘদিনীয়া সমস্যাক লৈ বৰ্তমানৰ চৰকাৰে খনে কোনো গুৰুত্ব নিদিয়াৰ অভিযোগ উত্থাপন হৈছে। ২২ ফেব্ৰুৱাৰীত ৰাতিপুৱা ৬ বজাত চচলৰ পৰা জনতা ভৱনলৈ ৰাওনা হ'ব সদৌ অসম প্ৰাথমিক আৰু উচ্চ প্ৰাথমিক বিদ্যালয় মধ্যাহ্ণ ভোজন ৰান্ধনী আৰু সহায়িকা সন্থা।
প্ৰতিখন জিলাৰ প্ৰতিনিধিৰ লগতে কেন্দ্ৰীয় সমিতিৰ বিষয়ববীয়াসকল লগ হৈ ৰাতিপুৱা ৮ বজাৰ পৰা বিয়লি ১ বজালৈ ৰুপায়ন কৰিব প্ৰতিবাদী কাৰ্যসূচী।প্ৰতিবাদৰ অংশ হিচাপে তেওঁলোকে মুখ্যমন্ত্ৰীলৈ এখন ৰাজহুৱা স্মাৰকো প্ৰদান কৰিব । ১৫০০ টকাৰে মুখ্যমন্ত্ৰীয়ে নিজৰ পৰিয়াল চলাব পাৰিবনে বুলিও প্ৰশ্ন উত্থাপন কৰিছে তেওঁলোকে।
