ডিজিটেল সংবাদ, ৱাখাঃ অৰুণাচল প্ৰদেশৰ চাংলাং জিলাত মঙলবাৰে আছাম ৰাইফলছ আৰু নগা বিদ্ৰোহী সংগঠন এন এছ চি এন ৰিফাৰমেচন গোটৰ মাজত সংঘটিত হোৱা সংঘৰ্ষত এজন কেডাৰ নিহত হয় । জানিব পৰা মতে, অৰুণাচল প্ৰদেশৰ চাংলাং জিলাৰ মটঙ য়টিডাম এলেকাত এন এছ চি এন ৰিফাৰমেচন গোট এটা পাঁচজনীয়া দলে বিচৰণ কৰাৰ তথ্য লাভ কৰা বিশেষ তথ্য লাভ কৰা পিছতে ৯ নং আছাম ৰাইফলছে অঞ্চলটিত অভিযান আৰম্ভ কৰে ।
অভিযানত এন এছ চি এনৰ এজন কেডাৰ নিহত হয় যদিও বাকী চাৰিজন পলাই যাবলৈ সক্ষম হয় । নিহত কেডাৰজন থাময়াঙ গাঁৱৰ কাপ্পান নগেমু বুলি চিনাক্ত কৰা হৈছে। তেওঁৰ পৰা সেনাই এটা এ কে ৪৭ ৰাইফল আৰু ৪০ জাঁই গুলী উদ্ধাৰ কৰিছে ।