শেহতীয়া খবৰ
ধেমাজিত প্ৰথমবাৰৰ বাবে জ্যেষ্ঠ নাগৰিকসকলৰ কাৰণে আবাসগৃহৰ দুৱাৰ মুকলি অনুষ্ঠান...  •  ৰাজ্যত পুনৰ ২৬৭৯ৰ দেহত কোভিড-১৯, আক্ৰান্তৰ সংখ্যা ৫৫,৪৯৬জনলৈ বৃদ্ধি...  •  টীয়কত নিষিদ্ধ ড্ৰাগছ ব্যৱসায় উচ্ছেদৰ দাবীত আছুকে ধৰি বিভিন্ন দল-সংগঠনৰ প্ৰতিবাদ...  •  সমাজসেৱীকা-ধৰ্মপ্ৰাণ স্বৰ্ণ প্ৰভা চেতিয়াৰ প্ৰথম মৃত্যু বাৰ্ষিকী উদযাপন...  •  কেৰেলাত বিমান দুৰ্ঘটনা...  •  ধেমাজিত আম আদমী পাৰ্টীৰ বান সাহায্য বিতৰণ...  •  কেৰালাত দুৰ্ঘটনাগ্ৰস্ত বিমানঃ বৈমানিকসহ নিহত ২জন, এনডিআৰএফ-অগ্নিনিৰ্বাপক বাহিনীৰ উদ্ধাৰ অভিযান অব্যাহত...  •  বিটিচিত বহিছিল অবৈধ চাকৰিৰ বজাৰ, কাৰ কাৰ চাকৰি গ’ল এতিয়া? সম্পূৰ্ণ তালিকা...  •  কেৰালাত বানৰ তাণ্ডৱ! দলং নিৰ্মাণ কৰি এনডিআৰএফ বাহিনীৰ উদ্ধাৰ অভিযান... VIDEO  •  অখিল গগৈক মুক্তিৰ দাবীত দলংঘাটত মানৱ শৃংখল কাৰ্যসূচী...

অৰুণাচল প্ৰদেশত ভয়াৱহ ভূমিস্খলন! এদিনতে ৮জনে হেৰুৱালে প্ৰাণ, আহত এজন…

368

প্ৰতিদিন সংবাদ, ইটানগৰ: অৰুণাচল প্ৰদেশৰ পাপুম পাৰে জিলাত সংঘটিত হোৱা দুটা পৃথক ভূমিস্খলনৰ ঘটনাত শুকুৰবাৰে মুঠ ৮জন লোকৰ মৃত্যু হয় । দৈমুখ নামৰ ঠাইখনৰ সমীপৰ টিগডো নামৰ গাঁওখনত শুকুৰবাৰে পুৱাতি নিশা ২:৩০ বজাত পাহাৰ খহি টানা নেকা নামৰ ব্যক্তিজনৰ ঘৰটো পুতি পেলাই । সেই সময়ত ঘৰটোৰ ভিতৰত শুই থকা চাৰিজন লোকেই মৃত্যুমুখত পৰে । নিহত হোৱা কেইজনৰ মাজত এটি আঠ মহীয়া শিশুও আছে ।

আনহাতে শুকুৰবাৰে দিনৰ ১১:৩০ বজাত সংঘটিত হোৱা আনটো শোকাৱহ ভূমিস্খলনৰ ঘটনা ঘটে ইটানগৰৰ পৰা ৬ কিলোমিটাৰ নিলগৰ মিডিৰিজো নামৰ গাঁৱত । ইটানগৰ-বান্দৰদেৱাৰ মাজত নিৰ্মীয়মান চাৰিলেনযুক্ত ঘাইপথৰ বাবে পাহাৰৰ মাটি কাটি জমা কৰি থোৱা মাটি খহি পৰাত কামডাক টাডো নামৰ ব্যক্তি জনৰ কেঁচা ঘৰটো মাটিয়ে পুতি পেলাই ।

সেই সময়ত ঘৰটোৰ ভিতৰত থকা ছয়জন ব্যক্তিৰ চাৰিজন নিহত হয় আৰু এজন গুৰুতৰভাবে আহত হয় । সৌভাগ্যক্ৰমে ঘৰটোত থকা এজন লোকক সুস্থ অবস্থাত উদ্ধাৰ কৰা হয় । ইফালে, ইটানগৰকে ধৰি সমগ্ৰ অৰুণাচল প্ৰদেশত বিগত ৮৪ ঘন্টাধৰি বিৰামহিন ভাবে হৈ থকা প্ৰবল বৰষুণৰ ফলত ভূমিস্খলনৰ ঘটনাৰ বাতৰি আহি আছে ।

যধে মধে পাহাৰৰ মাটি কটাৰ বাবেই ৰাজ্যখনত ভূমিস্খলনৰ ঘটনা বৃদ্ধি পাইছে । শুকুৰবাৰে ইটানগৰ আৰু দৈমুখত সংঘটিত হোৱা দুয়োটা ভূমিস্খলনৰ ঘটনা পাহাৰৰ মাটি কটাৰ বাবেই হ’বলৈ পালে ।

অৰুণাচল প্ৰদেশত ভয়াৱহ ভূমিস্খলনত নিহত হোৱা লোকসকলৰ নাম সমূহ ক্ৰমে- কামদাক কাগুং (৩০), কামদাক কাৰনা (৯ ), কামদাক জীতা (৮), লকাম মিনু (২০), টানা মাৰ্টিন (২২), টানা জন (১৭), টানা য়াছুম (৮ মাহ) আৰু ৮) য়াবুং লিনদুম (২০)।

আপুনি পঢ়ি ভাল পাব পৰা বাতৰি