শেহতীয়া খবৰ
দৰিদ্ৰতাই কোঙা কৰা শিমলুগুৰিৰ দুই ভগ্নীৰ কৰুণ গাঁথা  •  অখিলৰ বিষয়ক লৈ দিছপুৰত শীৰ্ষ পৰ্যালোচনা বৈঠকঃ মুখ্য সচিব, আৰক্ষী সঞ্চালকৰ সৈতে বহিল মুখ্যমন্ত্ৰী...  •  ৪৫ বছৰতকৈ অধিক বয়সৰ লোক সকলৰ বাবে কোৰোনা বিপদজনক!  •  ডবকাৰ কোৱাৰেন্টাইন চেন্টাৰত এজন লোকৰ আত্মহত্যা...  •  এঘন্টাত এহাজাৰতকৈ অধিক আক্ৰান্ত! ভাৰতত কোৰোনাৰ অভিলেখ...  •  সাতগাঁও আৰক্ষী থানাত কোৰোনাঃ আক্ৰান্ত ১২জন...  •  ৮জনকৈ আৰক্ষীক হত্যা কৰা বিকাশ ডুবেক এনকাউন্টাৰ...  •  ৰাজ্যত পুনৰ ৫৬৮জনৰ দেহত কোভিড-১৯...  •  ১ মিনিটত ২৫ খবৰ...  •  ৰাজ্যত আৰম্ভ প্লাজমা থেৰাপী, জিএমচিএইচত থকা ২৮জন কোৰোনাক্ৰান্ত ৰোগীৰ অৱস্থা সংকটজনক...

অৰুণাচল প্ৰদেশত পুনৰ ৪গৰাকী লোকৰ দেহত কোৰোনা…

244

প্ৰতিদিন সংবাদ, ইটানগৰ: অৰুণাচল প্ৰদেশত অব্যাহত আছে কোৰোনাৰ সংক্ৰমন । দহদিন পূৰ্বে এজনো কৰোনা সক্ৰিয় ৰোগী নথকা অৰুণাচল প্ৰদেশত এতিয়া কোৰোনা আক্ৰান্তৰ সংখ্যা ৪১ জনলৈ বৃদ্ধি পাইছে ।

বুধবাৰে চাংলাং জিলাত নতুনকৈ ৭ জন লোক কোৰোনাত আক্ৰান্ত বুলি নিশ্চিত হোৱাৰ পাছত বৃহস্পতিবাৰে পুনৰ চাৰিজন ব্যক্তিৰ দেহত কৰোনা ভাইৰাছৰ অবস্থিতি ধৰা পৰিছে । আজি নতুনকৈ কৰোনাত আক্ৰান্ত হোৱা কেইজনৰ তিনিজন চাংলাং জিলাৰ আৰু এজন ৱেষ্ট চিয়াং জিলাৰ ।

উল্লেখ্য যে অৰুণাচল প্ৰদেশত কৰোনা ভাইৰাছৰ পৰীক্ষাৰ বাবে কোৱাৰেন্টাইনত থকা লোক সকলৰ প্ৰভাব সংগ্ৰহৰ পদ্ধতি ক্ৰুটিপূৰ্ণ বুলি অভিযোগ কৰিছিল বিভিন্ন জনে । যাৰবাবে প্ৰায়ভাগ কৰোনা পৰীক্ষাৰ বেছিভাগ পৰীক্ষাৰ ফলাফল নিগেটিভ ওলাইছিল ।

চাংলাং জিলাৰ উপায়ুক্ত দেবাংশ যাদবেও স্বাব সংগ্ৰহৰ পদ্ধতি সঠিক হোৱা নাই বুলি অভিযোগ কৰিছিল । সেই অভিযোগৰ ভিত্তিত ভাৰতৰ বিভিন্ন স্থানৰ পৰা অৰুণাচল প্ৰদেশলৈ উলটি অহা লোকসকলৰ স্বাবৰ নমুনা পুনৰ পৰীক্ষা কৰা হয় ।

তাৰ পাছৰে পৰা চাংলাং জিলাত আজি পৰ্যন্ত ৩০ জন কৰোনা আক্ৰান্ত লোক ধৰা পৰিছে । এনে পৰিস্থিতিত অৰুণাচল প্ৰদেশত স্বাব সংগ্ৰহৰ সময়ত কৰা গাফিলতিৰ বাবে বহু কৰোনা আক্ৰান্ত লোক কৰোনা নিগেটিভ বুলি ফলাফল ওলাইছে বুলি অভিযোগ উঠিছে ।

এনে পৰিস্থিতিত বহু কৰোনা আক্ৰান্ত ধৰা নপৰাকৈ মুকলিকৈ ঘুৰি ফুৰিছে বুলি আশংকা কৰা হৈছে । আনহাতে কৰোনা পৰীক্ষাৰ বাবে প্ৰেৰণ কৰা ১৮০০ৰো অধিক স্বাবৰ নমুনাৰ ফলাফল এতিয়াও আহি পোৱা নাই ।

আপুনি পঢ়ি ভাল পাব পৰা বাতৰি