ডিজিটেল ডেস্কঃ ভাৰত আৰু চীনৰ মাজত চলি থকা সীমা বিবাদক লৈ মাৰ্কিন ৰাষ্ট্ৰপতি ডনাল্ড ট্ৰাম্পে সহায়ৰ আগবঢ়োৱাৰ ইচ্ছা ব্যক্ত কৰিছে। মাৰ্কিন ৰাষ্ট্ৰপতি ট্ৰাম্পে কয় যে, ভাৰত-চীনৰ মাজৰ সীমা বিবাদ সমাধান কৰাৰ বাবে সাজু আছে আমেৰিকা।যদি দুয়োখন দেশে বিচাৰে তেন্তে আমি সহায় কৰিম।
শুকুৰবাৰে সন্ধিয়া হোৱাইট হাউছত সাংবাদিকসকলৰ আগত ট্ৰাম্পে কয়- 'ভাৰত আৰু চীনৰ সম্পৰ্ক বহু দুৰ্বল আৰু বেয়া হৈ পৰিছে। যদি আমি দুয়োখন দেশকে সহায় কৰিব পাৰো তেন্তে অত্যন্ত সুখী হম।