ICC বিশ্বকাপঃআজি ভাৰত-অষ্ট্ৰেলিয়াৰ মহাৰণ
ডিজিটেল ডেস্কঃ এদিনীয়া ক্ৰিকেট বিশ্বকাপত আজিৰ পৰা ভাৰতে আৰম্ভ কৰিব অভিযান। ৰোহিত শৰ্মাৰ নেতৃত্বত ভাৰতীয় দলটোৱে ৮ অক্টোবৰত চেন্নাইৰ এমএ চিদম্বৰম ষ্টেডিয়ামত অষ্ট্ৰেলিয়াৰ বিৰুদ্ধে এই অভিযান আৰম্ভ কৰিব। দুপৰীয়া ২ বজাৰ পৰা আৰম্ভ হ'ব এই খেল।
আশা কৰা হৈছে ভাৰত-অষ্ট্ৰেলিয়াৰ যুঁজখন কঠিন হ'ব। অষ্ট্ৰেলিয়াই ইতিমধ্য়ে ৫ বাৰকৈ বিশ্বকাপৰ খিতাপ জয় কৰাৰ বিপৰীতে ভাৰতে ২ বাৰ এই খিতাপ দখল কৰিছে।
একুৱেদাৰৰ মতে, খেলৰ দিনা ৫৫ শতাংশ বৰষুণ হোৱাৰ সম্ভাৱনা আছে। তাপমাত্ৰাৰ দিনটোৰ সৰ্বাধিক তাপমাত্ৰা ৩৪ ডিগ্ৰী চেলচিয়াছ হোৱাৰ সম্ভাৱনা আছে আৰু নিশা তাপমাত্ৰা ২৯ ডিগ্ৰী চেলচিয়াছলৈ হ্ৰাস হোৱাৰ সম্ভাৱনা আছে।
ভাৰত -অষ্ট্ৰেলিয়া বিশ্বকাপত ১২ বাৰকৈ মুখামুখি হৈছে । য'ত অষ্ট্ৰেলিয়াই ৮ খন মেচ আৰু ভাৰতে ৪ খন মেচ জিকিছে। অৰ্থাৎ অষ্ট্ৰেলিয়াৰ বিৰুদ্ধে বিশ্বকাপত ভাৰতৰ অভিলেখ খুব ভাল নহয়।
এদিনীয়াত দুয়োটা দলে মুঠ ১৪৯ বাৰ মুখামুখি হৈছে। ইয়াৰ ভিতৰত ভাৰতে ৫৬ খন মেচ জিকিছে, আনহাতে অষ্ট্ৰেলিয়াই ৮৩ খন মেচ জিকিছে। আনহাতে ১০ খন খেলৰ কোনো ফলাফল নাছিল।
অৱশ্যে, শেহতীয়াকৈ অষ্ট্ৰেলিয়াৰ বিৰুদ্ধে ভাৰতে তিনিখন এদিনীয়া খেলৰ শৃংখলা খেলিছিল। এই সময়ছোৱাত ভাৰত ২-১ ত বিজয়ী হৈছিল।