ডিজিটেল ডেস্কঃ ধোনীকো চেৰ পেলালে ৰোহিত শৰ্মাই। আকৰ্ষণীয় বেটিঙেৰে কোটি কোটি ভাৰতীয়ৰ হৃদয়ত থিতাপি লোৱা হিট মেন ৰোহিতৰ আচলত আন এটা ৰেকৰ্ড। বৃহস্পতিবাৰে বাংলাদেশৰ বিৰুদ্ধে দ্বিতীয়খন টি-২০ ৰ বাবে খেলপথাৰত নমাৰ পাছতেই এটা নতুন ৰেকৰ্ডৰ গৰাকী হয় ৰোহিত শৰ্মা।
বাংলাদেশৰ বিৰুদ্ধে খেলা মেচখনৰ পাছতেই ৰোহিত শৰ্মা ভাৰতৰ সৰ্বাধিক টি-২০ মেচ খেলা খেলুৱৈ হিচাপে পৰিগণিত হয়। ৰোহিতৰ কেৰিয়াৰত এয়া হৈছে শততম টি-২০ মেচ। উল্লেখ্য যে, পূৰ্বৰ মেচখনতে ৰোহিতে চেৰ পেলাইছে মহেন্দ্ৰ সিং ধোনী। নিজৰ কেৰিয়াৰত মহেন্দ্ৰ সিং ধোনীয়ে খেলিছে ৯৮ খন টি-২০। কেৱল ধোনীকে নহয় বৃহস্পতিবাৰে ৰোহিতে চেৰ পেলাইছে পাকিস্তানৰ অলৰাউণ্ডাৰ শ্বাহিদ আফ্ৰিডীক।
উল্লেখ্য যে, বিশ্বৰ ভিতৰতে সৰ্বাধিক টি-২০ মেচ খেলুৱৈজন হৈছে পাকিস্তানৰ চৈয়ৱ মালিক। কেৰিয়াৰত মালিকে খেলিছে ১১১ খন টি-২০। গৌৰৱৰ বিষয় যে, এই তালিকাত দ্বিতীয়স্থানত আছে ৰোহিত শৰ্মা। আনফালে তৃতীয়স্থানত আছে শ্বাহিদ আফ্ৰিডী আৰু চতুৰ্থ স্থানত আছে মহেন্দ্ৰ সিং ধোনী।