নাগালেণ্ডত পাঁচ হাজাৰ দৰ্শক বহিব পৰা সুবৃহৎ বাঁহৰ ষ্টেডিয়াম নিৰ্মাণ…

ডিজিটেল সংবাদ ৱাখাঃ নাগালেণ্ডৰ ৰাজধানী ক'হিমাৰ পৰা ৫২ কিলোমিটাৰ নিলগৰ ফেক জিলাৰ থিপুজু গাঁৱত নগা পৰম্পৰাগত মল্লযুঁজ খেলৰ বাবে প্ৰায় ৫ হাজাৰ দৰ্শক একেলগে বহি খেল উপভোগ কৰিব পৰা বাঁহৰ ইণ্ড'ৰ ষ্টেডিয়াম নিৰ্মাণ কৰি অভিলেখ সৃষ্টি কৰিছে গাওঁবাসীয়ে। বিগত ১৫ দিন ধৰি ৩০ গৰাকী শ্ৰমিক এই ২১০ ×২১০ বৰ্গ ফুটৰ বাঁহৰ বিশাল ষ্টেডিয়ামটো নিৰ্মাণ কৰি উলিয়াইছে ।

এই ইণ্ডোৰ ষ্টেডিয়াম নিৰ্মাণত ১০০০ ডাল বাঁহ , ৭ শ কেজি তাঁৰ , ৪৪১০০ ফুট সেউজীয়া তিৰ্পালৰ প্ৰয়োজন হৈছে । উল্লেখ্য যে যোৱা ২১ জানুৱাৰীৰ পৰা এই বিশাল বাঁহৰ ইণ্ড'ৰ ষ্টেডিয়ামত চুকুৰী এৰিয়া নগা পৰম্পৰাগত মল্লযুঁজ অনুষ্ঠিত হয় । এই মল্লযুঁজ প্ৰতিযোগিতাত ৯ খন নগা গাঁৱৰ ৩২ গৰাকী প্ৰতিযোগীয়ে অংশগ্ৰহণ কৰে ।