এনকাউন্টাৰ! গেংষ্টাৰ আতিকৰ পুত্ৰৰ মৃত্যু...
ডিজিটেল ডেস্কঃ উমেশ পাল হত্যাকাণ্ডৰ গোচৰত অভিযুক্ত দুৰ্ধৰ্ষ গেংষ্টাৰ আতিক আহমেদৰ পুত্ৰ আসাদক বৃহস্পতিবাৰে উত্তৰ প্ৰদেশ আৰক্ষীৰ এনকাউন্টাৰত নিহত হয় । ঝাঞ্চীত গেংষ্টাৰৰ পুত্ৰৰ লগতে সহ অভিযুক্ত গোলামকো প্ৰদেশ আৰক্ষীয়ে গুলীয়াই হত্যা কৰে ।
উমেশ পালৰ হত্যাৰ সময়ত আসাদক দেখিবলৈ পোৱা গৈছিল দৃশ্য চিচিটিভিত বন্দীৰ হোৱা দৃশ্যত । আৰু তেতিয়াৰে পৰা পলাতক অৱস্থা আছিল আসাদ । আৰু উত্তৰ প্ৰদেশ আৰক্ষীয়ে আসাদ আৰু গোলাম দুয়োৰে শীৰৰ নামত ৫ লাখ টকাৰ পুৰস্কাৰ ঘোষণা কৰিছিল ।
এনকাউণ্টাৰৰ সন্দৰ্ভত আৰক্ষীয়ে কয় যে দুজন ডিএছপি পদবীৰ বিষয়াৰ নেতৃত্বত ১২ জনীয়া এটা দলে চলাইছিল অভিযান । আৰু এই অভিযানত ঝান্সিৰ বাবিনা পথত এনকাউন্টাৰ কৰা হয় দুয়োকে । দুয়োজন অভিযুক্তক এনকাউন্টাৰ কৰাৰ সময়ত মুঠ ৪২ জাই গুলিৰ ব্যৱহাৰ কৰা হৈছিল ।
উল্লেখ্য যে উমেশ পাল এজন অধিবক্তা আৰু তেওঁ ২০০৫ চনত বিএছপি বিধায়ক ৰাজু পালৰ হত্যাকাণ্ডৰ সাক্ষী আছিল । আৰু এই ঘটনাৰ সাক্ষী পালকো তেওঁৰ প্ৰায়গৰাজৰ বাসগৃহত গুলিয়াই হত্যা কৰা হৈছিল । লগতে তেওঁক পহৰা দিয়া নিৰাপত্তাৰক্ষীসকলকো হত্যা কৰা হৈছিল । নিৰপত্তা ৰক্ষীৰ কটকটীয়া বেষ্টনীৰ মাজতো এইদৰে পালক গুলিয়াই হত্যা কৰা পিছতেই ৰাজ্যখনৰ আৰক্ষী প্ৰশাসন তথা চৰকাৰ তীব্ৰ সমালোচনাৰ সন্মোখীন হৈছিল ।