ডিজিটেল সংবাদ, গৰৈমাৰীঃ লকডাউনৰ সময়ছোৱাত কৰ্মহীন হৈ পৰা প্ৰব্ৰজিত শ্ৰমিকসকলৰ সমস্যা সমাধানৰ বাবে দেশৰ প্ৰধানমন্ত্ৰীয়ে ইতিমধ্যে কেইবা লাখ কোটি টকাৰ পেকেজ ঘোষণা কৰিছে৷ উক্ত পেকেজৰ অধীনত প্ৰব্ৰজিত শ্ৰমিকসকলক প্ৰতিমাহে পাঁচ হেজাৰ টকাৰ আৰ্থিক সাহায্য প্ৰদানৰ বাবে ট্ৰেড ইউনিয়ন কো-অৰ্ডিনেচন চেণ্টাৰ চমুকৈ টি ইউ চি চিৰ কামৰূপ জিলা সমিতিৰ সাধাৰণ সম্পাদক জিয়াউৰ ৰহমানে শুকুৰবাৰে কামৰূপ জিলাৰ উপায়ুক্তৰ জৰিয়তে ই-মেইলযোগে দেশৰ প্ৰধানমন্ত্ৰী নৰেন্দ্ৰ মোডীলৈ এখন স্মাৰকপত্ৰ প্ৰেৰণ কৰিছে৷