ডিজিটেল সংবাদ, শিৱসাগৰঃ শিৱসাগৰৰ বহু কোটিপতি তথা ব্যৱসায়ী ৰফিকুল হাজৰিকাৰ ওৰফে বাবুজানৰ বিৰোদ্ধে বলৎকাৰ ,ব্লেকমেইলিং তথা মাৰপিতৰ অভিযোগ উত্থাপন কৰিছে চেতিয়া উপাধিৰ এটা সন্তানৰ এগৰাকী মাতৃয়ে ৷ দীৰ্ঘদিনে ব্লেকমেইলিঙৰে মহিলা গৰাকীক ব্যৱসায়ী তথা বিজেপি কৰ্মীজনে যৌন নিৰ্যাতন কৰি অহা বুলি স্পষ্টভাবে পীড়িত মহিলা গৰাকীয়ে ব্যক্ত কৰিছে ৷
অ'এনজিচিত ঠিকাৰ কাম কৰা ৰফিকুল হাজৰিকা নাৰী সৰবৰাহৰ দৰে জঘন্য কাণ্ডতো জড়িত বুলি বিস্ফোৰক অভিযোগ উত্থাপন নিৰ্যাতিতাৰ ৷ পূৰ্বেও পত্নী চাবিহা চাহিন ওৰফে জুফু হাজৰিকাৰ হত্যাত অভিযুক্ত হৈছিল ৰফিকুল হাজৰিকা ৷ পিষ্টলেৰে খুন্দিয়াই খুন্দিয়াই উচ্চ শিক্ষিতা পত্নীক হত্যা কৰিছিল বাবুজানে ৷ বৰ্তমানেও বাবুজান পত্নী হত্যাৰ গোচৰটোত জামিন লৈ আছে ৷
নিৰ্যাতিতাক নিশা দিখৌ দলঙৰ সমীপৰ শ্ৰীমন্ত নগৰৰ গৃহত গৈ হত্যাৰ চেষ্টা চলাইছিল ৰফিকুল হাজৰিকাই ৷ নিৰ্যাতিতাৰ কণমানি পুত্ৰকো ডিঙি চেপি হত্যাৰ অপচেষ্টা কৰে ব্যৱসায়ী বাবুজানে৷ শিৱসাগৰ সদৰ থানাত ইতিমধ্যে এজাহাৰ দাখিল নিৰ্যাতিতা বিধবা মহিলা গৰাকীয়ে ৷ এজাহাৰত দীৰ্ঘদিনে ৰফিকুল হাজৰিকাই ব্লেকমেইলিঙৰে ধৰ্ষণ কৰি অহা বুলি অভিযোগ উত্থাপন কৰিছে এজাহাৰকাৰী মহিলা গৰাকীয়ে ৷ মহিলা গৰাকীয়ে এখনি সংবাদ মেলৰ আয়োজন কৰি কেতবোৰ বিস্ফোৰক অভিযোগ উত্থাপন কৰে ৷
২০১৭ চনৰ পৰা ঠিকাদাৰ বাবুজানে সুৰাপান কৰি তেওঁক বলৎকাৰ কৰি আহিছে ৷ দুটাকৈ পিষ্টল দেখুৱাই হত্যাৰ ভাবুকি প্ৰৰ্দশন কৰে মহিলা গৰাকীক ৷ মহিলা গৰাকীয়ে দাখিল কৰা এজাহাৰৰ ভিত্তিত আৰক্ষীয়ে বহু কোটিপতি হোৱা ঠিকাদাৰ ৰফিকুল হাজৰিকাৰ বিৰুদ্ধে আৰক্ষীয়ে ভাৰতীয় দণ্ডবিধিৰ ৪৪৮/২৯৪(বি)/৫০৬/৩২৩/৩৭৬/৩৮৪ ধাৰাৰ অধীনত ৩৯০/২০২০ নং গোচৰ পঞ্জীয়ণ কৰে ৷ কিন্ত লকডাউনৰ সময়ত ৰফিকুলে ঘৰৰ পৰা কি দৰে পলায়ন কৰিলে তাৰ লৈ প্ৰশ্ন উঠিছে ৷
শুকুৰবাৰে আৰক্ষীয়ে মহিলা গৰাকীক ন্যায়িক দণ্ডাধীশৰ সন্মুখত হাজিৰ কৰাত মহিলা গৰাকীয়ে বহু বিস্ফোৰক অভিযোগ উত্থাপন কৰে ৷ মহিলা গৰাকীয়ে কয় – " মোক ৰফিকুল ওৰফে বাবুজানে দুবছৰৰ পুৰ্বে কাপোৰ বজাৰ কৰাৰ বাবে ডিমাপুৰলৈ লৈ গৈছিল ৷ ডিমাপুৰৰ এখন হোটেলত স্পাইটৰ লগত চেতনা নাশক দ্ৰব্য খোৱাই মোক অচেতন কৰি বলৎকাৰ কৰে ৷ মোক বিবস্ত্ৰ কৰি তেওঁ ভিডিঅ ৰেকৰ্ডিং কৰে ৷ সেই ভিডিঅ ৰেকৰ্ডিং লৈ সুৰ্দীঘ দিন ধৰি মোক বাবুজানে ব্লেকমেইলিং কৰি যৌন শোষণ চলাই আহিছে ৷ এতিয়া মোক চৰকাৰী আৰু অএনজিচিৰ বিষয়াক যোগান ধৰিবলৈ ছোৱালী বিছাৰিছে৷ মোকো বিষয়াৰ লগত নৈশ যাপনৰ হেঁচা দিছে ৷ মহিলা গৰাকীয়ে তেওঁৰ লগতে তেওঁৰ একমাত্ৰ সন্তানক ৰফিকুলে বৈধ,অবৈধ দুটা অস্ত্ৰৰে হত্যাৰ ভাবুকি দিয়া বুলিও আদালতত অভিযোগ দিয়ে ৷