ডিজিটেল ডেস্কঃ গুজৰাটৰ গান্ধী নগৰত লোকসভা নিৰ্বাচনৰ পূৰ্বে এক ৰেলীত অংশ গ্ৰহণ কৰে কংগ্ৰেছ অধ্যক্ষ ৰাহুল গান্ধীয়ে। ৰেলী কাৰ্যসূচীত কংগ্ৰেছ অধ্যক্ষগৰাকীয়ে অনিল আম্বানীক কটাক্ষ কৰি কয়- 'অনিল আম্বানীক যুঁজাৰু বিমান নিৰ্মাণৰ দায়িত্ব দিয়া হৈছে। কিন্তু মই দাবী কৰিছো, তেওঁ কাগজৰ বিমানো নিৰ্মাণ কৰিব নোৱাৰে।'
গান্ধীনগৰত ৰাহুল গান্ধীয়ে লগতে কয়- 'প্ৰধানমন্ত্ৰী মোডীয়ে ভাৰতীয় ভাৰতীয় বায়ু সেনাৰ ৩০হাজাৰ কোটি টকা চুৰ কৰি অনিল আম্বানীক দিছে। বিমুদ্ৰাকৰণৰ পাছত বেংকৰ সন্মুখত দীঘলীয়া শাৰী পাতিছিল দুখীয়া, কৃষক-শ্ৰমিক ৰাইজে, ক'লা ধন থকা সকলে নহয়।'