ডিজিটেল সংবাদ, কোকৰাঝাৰঃ নতুন দিল্লীত অনুষ্ঠিত হোৱা ৭৩ সংখ্যক গণতন্ত্ৰ দিৱসত কোকৰাঝাৰৰ নুপুৰ বৰ্মনে উত্তৰ পূৰ্বাঞ্চলৰ হৈ অংশগ্ৰহণ কৰি জিলাখনলৈ সুনাম কঢ়িয়াই আনিছে ৷ কোকৰাঝাৰ চৰকাৰী মহাবিদ্যালয়ৰ স্নাতক তৃতীয় ষান্মাষিকৰ ছাত্ৰী নুপুৰ বৰ্মনে ধুবুৰীস্থিত সপ্তম এনচিচিৰ পৰা নিৰ্বাচিত হৈ অংশগ্ৰহণ কৰিছিল ৷ উত্তৰ পূৰ্বাঞ্চলৰ ৩০ জনীয়া প্ৰতিনিধি দলটোত অসমৰ সাত গৰাকী কেডাৰে অংশগ্ৰহণ কৰিছিল ৷ অসমৰ সাত জনীয়া দলটোত নুপুৰ বৰ্মনো অংশগ্ৰহণ কৰাৰ সুুযোগ লাভ কৰে ৷ নুপুৰ বৰ্মন কোকৰাঝাৰ চহৰৰ সমীপৱৰ্তী চৰাইখোলাৰ দীপজ্যোতি বৰ্মন আৰু শোভা বৰ্মনৰ কন্যা ৷