ডিজিটেল ডেস্কঃ জনতাক নিৰাপত্তাৰ বাবে নিয়োজিত একাংশ আৰক্ষীলোকেই কেতিয়াবা জনতাৰ বাবে হৈ পৰে সন্ত্ৰাসৰ কাৰণ। শেহীয়াকৈ তেনে এটা ঘটনাই সংঘটিত হল উত্তৰ প্ৰদেশৰ সিদ্ধাৰ্থনগৰত। এজন লোকে যান-বাহন আইন উলংঘা কৰাৰ অভিযোগত ২ জন আৰক্ষীলোকে নিজেই ভংগ কৰিলে আইন। চাওক তলৰ ভিডিঅটো-
ভিডিঅটোত আৰক্ষী ২ জনে গুৰুলা-গুৰুলকৈ প্ৰহাৰ কৰা লোকজন বৰ্তমান চিকিৎসাধীন। ৰাষ্ট্ৰীয় সংবাদ মাধ্যমৰ পৰা প্ৰাপ্ত খবৰ অনুসৰি এই লোকজনে উলংঘা কৰিছিল যান-বাহন আইন। তাৰ প্ৰত্যুত্তৰ হিচাপে আৰক্ষীৰ লোক দুজনে মাটিত বগৰাই প্ৰহাৰ কৰিলে লোকজনক। আৰক্ষীৰ লোক দুজনৰ এই গুণ্ডাগিৰিৰ ভিডিঅ ভাইৰেল হোৱাৰ পাছতে উত্তৰ প্ৰদেশ আৰক্ষীয়ে তৎকালীনভাৱে নিলম্বন কৰে এই ২ আৰক্ষীক।