ডিজিটেল সংবাদ,লামডিংঃ দুৰ্নীতি মুক্ত অসম গঢ়া সপোন দেখুৱা বিজেপি চৰাকাৰ প্ৰতিটো বিভাগতে এতিয়া চলিছে দুৰ্নীতি ৷ মোডী চৰকাৰ বিৰুদ্ধে লামডিঙতো প্ৰতিবাদী কাৰ্যসূচী ৰূপায়ন কৰে কংগ্ৰেছে ৷ লামডিঙ ব্লক কংগ্ৰেছৰ উদ্যোগত শনিবাৰে লামডিঙৰ ৰাজপথত কংগ্ৰেছৰ সমদল উলিয়াই লামডিং পৌৰসভাৰ কাৰ্যালয়ৰ চৌহদত উত্তাল প্ৰতিবাদ সাৰ্বস্ত কৰে কংগ্ৰেছ কৰ্মীসকলে ৷
লামডিং পৌৰসভাত চলি থকা বিভিন্ন দুৰ্নীতি তথা দালালৰাজৰ বিৰুদ্ধে সৰৱ হৈ পৰিছে লামডিং কংগ্ৰেছ দল ৷ দেশত হিটলাৰী শাসন চলোৱা মোদী চৰকাৰে ৰাইজক যি প্ৰতিশ্ৰুতি দিছিল সেই প্ৰতিশ্ৰুতি বৰ্তমানলৈকে বাস্তৱত ৰূপান্তৰ কৰিব নোৱাৰিলে মোডীয়ে ৷ সেয়েহে অসমৰ ৰাইজে বিবেচনা কৰি পৰৱৰ্তী সময়ত এখন ভাল চৰকাৰ গঠন কৰাত কংগ্ৰেছ দলক সহায় কৰাৰ বাবে অনুৰোধ জনায় কংগ্ৰেছৰ প্ৰাক্তন বিধায়ন স্বপন কৰে ৷
বিজেপি চৰকাৰ ভ্ৰষ্টাচাৰ, চকীদাৰ চোৰ, দুৰ্নীতিগ্ৰষ্ট মোদী, মোদীৰ মিথ্যাচাৰ প্ৰতিশ্ৰুতি আদি বিভিন্ন কঠোৰ ভাষাৰে সমালোচনা কৰে চৰকাৰখনক ৷ সামগ্ৰীৰ মূল্যবৃদ্ধি হোৱা তথা থলুৱাসকলক চাকৰি পৰা বঞ্চিত কৰা ষড়যন্ত্ৰৰ বিৰুদ্ধেও প্ৰতিবাদ কৰে সাব্যস্ত কৰে কৰ্মীসকলে।