ডিজিটেল ডেস্কঃ দিল্লীৰ অৰবিন্দ কেজৰিৱাল চৰকাৰ আৰু কেন্দ্ৰৰ নৰেন্দ্ৰ মোডী চৰকাৰৰ মাজত চলি থকা অধিকাৰ বিবাদৰ শুনানি মঙ্গলবাৰে দেশৰ উচ্চতম ন্যায়ালয়ে গ্ৰহণ কৰে। উচ্চতম ন্যায়ালয়ৰ মুখ্য ন্যায়াধীশ এন ভ ৰমনাই এই গোচৰৰ শুনানি গ্ৰহণ কৰে। এই শুনানি গ্ৰহণ কৰি মুখ্য ন্যায়াধীশ গৰাকীয়ে কয় যে এই গোচৰটো সমাধানৰ বাবে এখন ৩ জনীয়া বিচাৰপীঠ গঠন কৰা হ'ব।
দূৰ্গা পূজাৰ বন্ধৰ পিছতেই এই গোচৰৰ পৰৱৰ্তী শুনানিৰ বাবে ৩ জনীয়া বিচাৰপীঠ গঠন কৰা হ'ব। মঙ্গলবাৰে উচ্চতম ন্যায়ালয়ত দিল্লী চৰকাৰৰ পৰামৰ্শদাতা ৰাহুল মেহৰা উপস্থিত থকাৰ লগতে তেওঁৱেই চৰকাৰৰ হৈ যুক্তি প্ৰদৰ্শন কৰে।