ডিজিটেল ডেস্কঃ কটন বিশ্ববিদ্যালয়ে দেওবাৰে এক জাননী জাৰি কৰিছে। ৰাজ্যত ক্ৰমাৎ কোৰোনাৰ সংক্ৰমণ বৃদ্ধি পোৱাৰ প্ৰতি লক্ষ্য ৰাখিয়েই বিশ্ববিদ্যালয়খনে জাৰি কৰিছে এই জাননী। এই জাননীযোগে কটন বিশ্ববিদ্যালয়ে কয় যে- ১৭ জানুৱাৰীৰ পৰা ৩১ জানুৱাৰীলৈ অনলাইনযোগে পাঠদান অনুষ্ঠিত হ'ব। কিন্তু স্নাতকৰ পঞ্চম ষান্মাষিকৰ ছাত্ৰ-ছাত্ৰীসকলে ২১ জানুৱাৰীত অফলাইন পদ্ধতিত পৰীক্ষা দিব লাগিব।
তদুপৰি জাননী খনত উল্লেখ কৰা হৈছে যে যিসকলে ছাত্ৰ-ছাত্ৰী কোৰোনা ভাইৰাছত আক্ৰান্ত হৈছে তেওঁলোকৰ বাবে বিশেষ পৰীক্ষা অনুষ্ঠিত কৰা হ'ব। কিন্তু একাংশ ছাত্ৰ-ছাত্ৰীয়ে প্রশ্ন উত্থাপন কৰিছে যে যিসকল পৰীক্ষাৰ্থী নগাঁও, বঙাইগাঁও, ডিমাপুৰ আদিৰ পৰা পৰীক্ষা দিবলৈ আহি তেওঁলোকৰ কথা কিয় ভবা হোৱা নাই।