অভিনেত্ৰী কংগনাই সন্তানৰ বাবে কিয় নিবিচাৰে একেই লাইফ ষ্টাইল?

ডিজিটেল ডেস্কঃ বলীউডৰ অভিনেত্ৰী কংগনা ৰাণাৱটে এতিয়া তেওঁৰ আহিবলগীয়া ছবি 'মণিকৰ্ণিকাঃ দ্য কুইন অৱ ঝাঁচী'ৰ প্ৰমোচনৰ কামত ব্যস্ত হৈ আছে৷ অভিনেত্ৰীগৰাকীয়ে ছবিখনৰ প্ৰমোচনৰ অন্তত সাংবাদিকৰ সৈতে বাৰ্তালাপ কৰি কয় যে তেওঁ যুদ্ধ নকৰাকৈ আজিলৈ কোনো বস্তুৱেই হাচিল কৰিব পৰা নাই৷ অভিনেত্ৰীগৰাকীয়ে এয়াও ব্যক্ত কৰে যে তেওঁৰ সন্তানে তেওঁৰ দৰে জীৱন যাপন কৰাটো নিবিচাৰে৷

অভিনেত্ৰীগৰাকীয়ে ৰাণী লক্ষ্মীবাঈৰ জীৱনৰ ওপৰত আলোকপাত কৰি কয়, 'মই ভাৱো ৰাণী লক্ষ্মীবাঈৰ জীৱন দুখদায়ক আছিল৷ তেওঁ জীৱনত বহুত সংঘৰ্ষ কৰিবলগীয়া হৈছিল৷ আমাৰ জীৱনো তেনেকুৱাই৷ আমি তেওঁৰ কাৰণে সদায় সংঘৰ্ষ কৰিব লাগে যাক আমি অন্তৰৰ পৰা বিচাৰো অথৱা আমি যাক ভালপাও৷'

কংগনা ৰাণাৱতে পুনৰ কয়, 'মই মোৰ সন্তানে মোৰ দৰেই জীৱন যাপন কৰাটো মুঠেও নিবিচাৰো৷ ইয়াৰ কাৰণ মই নাজানো৷ কিন্তু মই জন্ম হোৱাৰে পৰা কেৱল যুদ্ধ কৰিবলগীয়া হৈছে৷ এই ক্ষেত্ৰত ৰাণী লক্ষ্মীবাঈ আৰু মোৰ মাজত মিল আছে৷ মোৰ জীৱনত সংঘৰ্ষ নকৰাকৈ মই একোৱে নাপালো৷ কিন্তু ইয়াৰ বাবে মই লজ্জিত অথৱা গৰ্বিত কোনোটোৱেই অনুভৱ নকৰো৷'

'মই মোৰ জীৱনধাৰত সন্তুষ্ট৷ কিন্তু আপুনি যদি মোক প্ৰশ্ন কৰে যে মই মোৰ সন্তানৰ বাবেও এনে জীৱন বিচাৰো নেকি, তেন্তে মোৰ উত্তৰ হ'ব যে মই নিবিচাৰো৷'- অনুষ্ঠানত সংবাদ মাধ্যমৰ সৈতে বাৰ্তালাপ কৰি এনেদৰে মনৰ কথা ব্যক্ত কৰে অভিনেত্ৰীগৰাকীয়ে৷