ডিজিটেল সংবাদ,চামগুৰিঃ নগাঁও জিলাৰ চামগুৰি থানাৰ আৰক্ষীয়ে অভিযান চলাই বুধবাৰে নিশা এটা গভাইত বাইক চোৰক আটক কৰিবলৈ সক্ষম হয়। ধৃত চোৰটো হৈছে চামগুৰি থানাৰ অন্তৰ্গত বৰমা বজাৰৰ ওচমান আলী(৩০) ।
আৰক্ষী সূত্ৰে জানিব পৰা মতে, কিছু দিনৰ পূৰ্বে শোণিতপুৰ জিলাৰ ঠেলামৰা ৰ পৰা এখন আপাছী বাইক চুৰি হৈছিল। কালি চামগুৰি থানাৰ আৰক্ষীয়ে গোপন সূত্ৰৰ খবৰৰ ভিত্তিত বৰমা বজাৰৰ পৰা ওচমানক চুৰি বাইকখনৰ সৈতে নিশা প্ৰায় ২ বজাত কৰায়ত্ত কৰিবলৈ সক্ষম হয়।
বৃহস্পতিবাৰে ঠেলামৰা আৰক্ষীয়ে ৫৭/১৯ নং গোচৰৰ ভিত্তিত ধৃত চোৰ ওচমানক অধিক সোধ-পোছৰ বাবে চামগুৰি আৰক্ষীৰ হাতৰ পৰা চমজি লয়। চামগুৰি আৰক্ষী সূত্ৰৰ পৰা জানিব পৰা মতে, ওচমান পূৰ্বৰ পৰাই বাইক চুৰি ঘটনাৰ লগত জড়িত।