ডিজিটেল সংবাদ, কোকৰাঝাৰঃ কোকৰাঝাৰ আইন মহাবিদ্যালয়ৰ কোৱাৰেণ্টাইন চেণ্টাৰৰ কেবাগৰাকী আৱাসীয়ে কৰ'নাত আক্ৰান্ত হোৱাৰ সময়তে কোৱাৰেইণ্টাইন চেণ্টাৰটোৰ অস্বাস্থ্যকৰ পৰিৱেশে জনজীৱনলৈ ভাৱুকি কঢ়িয়াই আনিছে ।
কোৱাৰেণ্টাইন চেণ্টাৰৰ সমুহ আৱজৰ্নাসমুহ আইন মহাবিদ্যালয়ৰ চৌহদৰে য'তে ত'তে পেলোৱাত জনস্বাস্থ্যৰ প্ৰতি ভাৱুকিৰ সৃষ্টি হৈছে । তদুপৰি কোৱাৰেণ্টাইন চেণ্টাৰটোত চৌহদৰ বেৰ নথকাত সম্প্ৰতি গৰু -কুকুৰৰ খাদ্য হৈছে কোৱাৰেণ্টাইন চেণ্টাৰৰ পেলনীয়া সামগ্ৰীসমুহ ।
উৎকট গোন্ধৰ পৰিণতিতে নাকত সোপা দিব লগীয়া অৱস্থাৰ সৃষ্টি হোৱা আইন মহাবিদ্যালয়ৰ সমীপৱৰ্তী বাসিন্দাসকলে তথা উক্ত স্থানত কৰ্তব্যৰত চৰকাৰী কৰ্মচাৰীয়ে কোৱাৰেণ্টাইন চেণ্টাৰৰ আৱৰ্জনাসমুহ কোৱাৰেইণ্টাইন চেণ্টাৰৰ য'তে ত'তে নেপেলাবলৈ আহ্বান জনাইছে ।